'n Verklaring uitgereik tydens 'n kerkraadsvergadering, wat gehou was op 24 Januarie 2016, rakende die besluit van die Algemene Sinode om nie die vrou toe te laat tot die ampte van Ouderling en Predikant nie:

26/1/2016

VERKLARING: GK WAPADRANT
RE: VROU IN DIE AMP

Die Gereformeerde Kerk Wapadrant het met hartseer kennis geneem van die besluit van die Januarie 2016 Buitengewone Sinode van die GKSA rakende vroue in die ampte van ouderling en predikant. Die saak van vroue as leiers in die gemeente, en dan in die besonder in die ampte van diaken, ouderling en predikant, is vir Wapadrant ’n gewetensaak voor die Here, soos vanuit ons verstaan uit die Heilige Skrif deur Jesus Christus en is ons dus oortuig dat vroue in al die besondere ampte mag dien. Daarom het die kerkraad van Wapadrant besluit om by sy besluit van 2006 te hou om persone, ongeag geslag, in al drie die ampte te mag bevestig. Wapadrant is steeds oortuig dat die Here mense roep volgens gawes en daarom mag ons steeds mans en vroue, volgens gawes, bevestig as diaken, ouderling en predikant. Ons pleidooi is dat die kerkverband, Wapadrant en gemeentes met dieselfde oortuiging in liefde sal aanvaar en saam die koninkryk van regverdigheid, vrede en vreugde (Romeine 14:17) sal dien. Verder vertrou ons die gemeente se toekoms aan die Here toe.

Kerkraad van GK Wapadrant.

Nog ondersteunende dokumentasie wat by die Kerkraad vergadering gedien het in 2006:

2006_wpr_verklaring-ampte_en_sang.pdf
File Size:	555 kb
File Type:	pdf

Download File

bylae_1_-_ondersteunende_dokument_-_2006_wpr_verklaring_-_ampsbekleding.pdf
File Size:	371 kb
File Type:	pdf

Download File

Vanuit die Gespreksforums wat al oor hierdie saak / onderwerp gehou is, het daar nuusbriewe ontstaan wat ook by die volgende skakel beskibaar is:

Nog ander relevante dokumentasie wat ingesamel is oor hierdie onderwerp:

verklaring_van_die_world_communion_of_reformed_churches_geneem_op_3_julie_2017_-_oor_die_vida.pdf
File Size:	130 kb
File Type:	pdf

Download File

gkv-170704-brief-aan-de-kerken-inzake-synodebesluiten-mv-en-ambt.pdf
File Size:	778 kb
File Type:	pdf

Download File

2017_junie_22_ernst_leeftink_vrouw_in_ambt.docx
File Size:	289 kb
File Type:	docx

Download File

Ghisnene

26/1/2016 09:59:49 pm

Ek het baie respek vir die besluit van julle wat sekerlik nie n maklike besluit is nie, maar verseker n profetiese een. Baie sterkte en seën.

Riaan

27/1/2016 01:30:49 pm

Gee 1 skrif wat dit goedkeur asb! Jy sal nie 1 kry nie! EK besweer jou dan voor God en die Here Jesus Christus, wat die lewende en die dode sal oordeel by sy verskyning en sy koninkryk: verkondig die woord; hou aan tydig en ontydig; weerlê, bestraf, vermaan in alle lankmoedigheid en lering; want daar sal ’n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ’n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels. (‭II TIMÓTHEÜS‬ ‭4‬:‭1-4‬ AFR53)

Bernard K Hellberg

27/1/2016 03:22:45 pm

Rêrig?

Burrie Theunissen

26/1/2016 10:39:28 pm

Dit sê nogals baie van n Dominee en sy kerkraad om so besluit te neem en dit openlik te verklaar. Ek haal my hoed vir julle af. Baie sterkte. Ek bid dat die Here julle gemeente oorvloediglik sal seën! Bravo!!

Riaan

27/1/2016 01:32:55 pm

Goddeloos! "EK besweer jou dan voor God en die Here Jesus Christus, wat die lewende en die dode sal oordeel by sy verskyning en sy koninkryk: verkondig die woord; hou aan tydig en ontydig; weerlê, bestraf, vermaan in alle lankmoedigheid en lering; want daar sal ’n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ’n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels." (‭II TIMÓTHEÜS‬ ‭4‬:‭1-4‬ AFR53)

Ben

27/1/2016 08:35:53 am

Wat van 1 Tim 2:12-13? Ek is seker die sinode het hierdie verse gelees, en hulle besluit daarop gebaseer?

Riaan

27/1/2016 01:34:23 pm

Wel gedaan Sinode! Gooi die rebelle uit!

Bernard

27/1/2016 03:32:39 pm

Begin by jou, Riaan. Waar kom die selfopgelegde bitterheid vandaan?

Riaan

27/1/2016 01:26:00 pm

Dit is onbybels! Geen teks gee magtiging vir vroue as Ouderling, nog minder as Leraar! Diaken Ja! Om so iets te besluit gaan teen die Gees van God wat die Woord van God Geinspireer het! Die skrif is duidelik! Skaam julle - goddeloos!!

WR DU PLESSIS

28/1/2016 09:41:33 pm

Riaan, Jy het duidelik NIE die ondersteunende dokumentasie van GK Wapadrant, hierbo aangeheg, gelees nie, of jy verstaan geen snars daarvan, of wil dit nie verstaan nie.

Vicus

13/3/2016 06:17:23 pm

Volgens my is dit nodig dat n veelvoud van aspekte hier in ag geneem moet word. Eerstens het die Sinode (lees kerke in vergadering) 'n besluit geneem en is dit kerkordelik die reëling in terme van Artikel 31, dat "Wat op 'n kerklike vergadering met meerderheid van stemme besluit is, moet as vas en bindend
beskou word, tensy bewys word dat dit in stryd is met Gods Woord of die artikels van die Kerkorde. As iemand egter 'n klagte het dat hy deur die uitspraak van die mindere vergadering
verongelyk is, kan hy hom op 'n meerdere vergadering beroep". Tweedens ontstaan die vraag by my met watter gesindheid afgevaardigdes na Klassis, Streeksinode en Algemene sinode met die Openlike Verklaring, veral die volgende gedeelte: "Met betrekking tot die Kerkregering sal ons ons hou aan die kerkorde van bogenoemde sinode
van Dordrecht soos dit gewysig is deur die sinodes van die Gereformeerde Kerke in Suid-Afrika" , instemming betuig het. Of was dit maar net lippediens? Dit is my mening dat met hierdie optrede Wapadrant homself buite die kerkverband stel. Mag u die leiding van God ontvang om u besluit te heroorweeg.

WR DU PLESSIS

13/3/2016 06:42:50 pm

Deesdae werk dit so as jy wil appelleer : Moenie jouself nie sommer op 'n meerdere vergadering beroep alvorens jy baie rond geskakel het en seker gemaak het dat jy 'n meerderheidstem van steun daar gaan behaal nie. Sorg dan op 'n hoogs geheime wyse dat mense wat jou standpunt steun na die meerdere vergadering afgevaardig word en teenwoordig is om jou in 'n stemming te steun. Voor daar enige bespreking plaasvind moet jy reeds van 'n gunstige uitslag in die stemproses verseker wees Anders, los alles net so tot jy jou "lobbying" beter gedoen en afgehandel het. As jy nie baie seker is hoe so 'n proses werk nie, vind uit by die politieke partye hoe 'n kongres belê en afgevaardigdes gekeur word. Veral Cosatu, die ANC en SACP kan jou van hoogs kundige raad bedien.

Vicus

14/3/2016 08:50:06 am

Sjoe, dit is darem erg as n christen sulke uitlatings maak!

WILLIE DU PLESSIS MONTANA PRETORIA

14/3/2016 12:13:52 pm

En dit is presies soos die Spesiale Sinode van Januarie 2016 georganiseer is. Die verregse dopper tradisionaliste faksie binne die GKSA het hulle "oorwinning" met behulp van 'n intensiewe organisasie van seleksie van afgevaardigdes na die sinode gedoen. Wat jy sê : "Sjoe, dit is darem erg as 'n christen sulke uitlatings maak", kom dan daarop neer dat dit dan presies is wat jy dink van wat die verregse dopper tradisionaliste faksie binne die GKSA gedoen het om die beswaarskrifte van die tafel af te vee. Daar was geen sprake een van EENSTEMMIGHEID met enige besluit nie. Het jy al probeer vra waarom daar effektief georganiseer was dat GEEN predikant of ouderling van hierdie gemeente, GK WAPADANT, na die sinode afgevaardig was of naby die sinodesaal toegelaat was om te praat nie.

Cecil Foster

14/3/2016 02:13:16 pm

Geagte Broeder Du Plessis

Ek neem aan dat jy nie 'n lidmaat van die Gereformeerde kerk en veral nie van GK Wapadrant , is nie? Hoe dit ook al sy, onderstaande is nie om jou te veroordeel nie, maar n teregwysing van een broeder in Christus tot n ander.
Ek lees die gesprek tussen jou en Vicus en is dit vir my ontstellend hoe jy die 9de gebod oortree. Daarom is dit noodsaaklik dat ons onsself elke dag moet herinner aan die Wet van die Here - daarom is dit werklik jammer dat jy medebroers in kassies plaas: Verregse Doppers en uitlatings maak wat jy nie kan staaf nie. Ek wil nie met jou in 'n argument betrokke raak nie, maar sal eerder dat die Woord van die Here tot jou spreek:

Efs 4:25 Daarom, lê die leuen af en spreek die waarheid, elkeen met sy naaste, want ons is mekaar se lede.
Spr 12:22 Valse lippe is vir die HERE ‘n gruwel, maar Hy het ‘n welbehae in die wat getrou handel.
Opn 21:8 Maar wat die vreesagtiges aangaan en die ongelowiges en gruwelikes en moordenaars en hoereerders en towenaars en afgodedienaars en al die leuenaars hulle deel is in die poel wat brand met vuur en swawel: dit is die tweede dood.
En ek hoop dat jy ook soos Dawid sal bid: “Psa 141:3 HERE, stel ‘n wag voor my mond, bewaar die deur van my lippe”.

Jak 3:5 "Net so is die tong ook ‘n klein lid en beroem hom op groot dinge—kyk hoe ‘n groot hoop hout steek ‘n klein vuurtjie aan die brand". My broer, deur jou opmerking kan jy tereg groot ongelukkigheid en onenigheid in die Kerk van Christus veroorsaak.
Jak 3:6 Die tong is ook ‘n vuur, die wêreld van ongeregtigheid. Net so ‘n plek neem die tong onder ons lede in; dit besmet die hele liggaam en steek die hele lewensloop aan die brand en word uit die hel aangesteek.
Jak 4:11 Broeders, moenie van mekaar kwaad spreek nie. Dié wat kwaad spreek van sy broeder en sy broeder oordeel, spreek kwaad van die wet en oordeel die wet; en as jy die wet oordeel, is jy nie ‘n dader van die wet nie, maar ‘n regter.
Jak 4:12 Een is die Wetgewer, Hy wat mag het om te red en te verderf. Maar jy, wie is jy wat ‘n ander oordeel?

Ek hoop dat jy dit in jou hart sal vind om hierdie aantygings, ter wille van ons Redder, Jesus Christus, terug te trek.

Jou broeder in Christus.

Cecil Foster

Comments are closed.

'n Verklaring uitgereik tydens 'n kerkraadsvergadering, wat gehou was op 24 Januarie 2016, rakende die besluit van die Algemene Sinode om nie die vrou toe te laat tot die ampte van Ouderling en Predikant nie:

Author

Archives

Categories