TEMA: DIE NUWE JAAR
 
DEEL 1: STERF AF
 So, voorspoedige nuwe jaar! Wat beplan jy vir die nuwe jaar? Hoe gaan jou nuwe jaar lyk? Dis belangrik dat mens jouself dit afvra, anders hardloop die jaar eenvoudig met jou weg! Wat is die groot HOEKOM’s waarop jy wil fokus? Wat is die groot klippe wat jy eerste wil insit? Wanneer sal jy jou jaar as suksesvol beskou? Wat sal vir jou die belangrikste wees?
Kom ons gaan kyk bietjie wat Paulus as die belangrikste beskou het en kyk of ons dalk iets by hom kan leer:

TEMA: HOEKOM?
 Vandag is die laaste dag van die jaar – wel, die kerklike jaar ten minste. En ons het netnou lekker saam gesels oor wat elkeen van ons hierdie jaar gedoen het.

ALTYD EN NOOIT
 
Skriflesing
Lees Hebreërs 10:1-18 (1983 Afrikaanse Vertaling)

 
Inleiding
Ons sê dikwels vir mekaar: nooit is ‘n baie lang tyd...
 
En dan waarsku ons mekaar om die woord maar spaarsamig te gebruik. Want nooit is een van daardie absolute woorde: nooit, altyd, beslis/beslis nie, sonder twyfel, hoegenaamd nie – dis alles woorde wat jy net kan gebruik as jy absolute sekerheid het oor wat jy sê. Want as jy dit gebruik – en dit gebeur nie soos jy dit sê nie, of dit blyk toe nie die waarheid te wees nie – dan het jy nie net jou eie geloofwaardigheid verloor nie, jy het ook skade gedoen. Jy het verwagtinge geskep wat nie realiseer nie. Jy het vertroue geskep waaraan jy nie kon voldoen nie. Jou integriteit kom onder verdenking. Jou betroubaarheid staan nie meer so vas nie.
.

Openbaring 3:14-22                                                      Verootmoediging & Biddag vir reën
Teks: Openbaring 3:20
Vandag is uitgeroep as ‘n Bid dag.
Wanneer hou ons spesiale biddae?

WENKE VIR WOESTEINREISIGERS
 
1.         Die pad deur die woestyn
Die pad tussen Windhoek en Hentiesbaai in Namibië is lank en reguit.  Die een keer toe ek en Donette die pad gery het was dit vir my plek-plek nogal grillerig.  Daar is nie ‘n ander motor in sig nie, en jy wonder hoe lank jy daar in die leegheid sal moet staan as jou kar breek totdat daar dalk weer ‘n mens verbykom.  Nou, gelukkig het ons bakkie nie gebreek nie, maar dit het my net laat besef dat die woestyn darem maar ‘n onherbergsame plek is, hoor.  Kyk, dit het sy eie mooiheid en bekoring, maar jy wil nie daar bly nie.  Jy is eintlik tog altyd deur die woestyn op pad.  Op pad na die ander kant toe.  Iewers waar daar meer water is, meer groenigheid is, meer lewe is.  Jy kan ‘n rukkie in die woestyn oorbly, maar jy is eintlik altyd op pad déúr. Jy kan nie bly waar jy is nie, anders sal jy doodgaan.  Ek wonder of Dawid ook aan hierdie dinge gedink het destyds toe hy daar in die woestyn van Juda was?  Ek wonder of iets hiervan in hom aan die woel en werskaf was toe hy hierdie psalm geskryf het?