Kyk die preek

Kyk die preek

LEES: JESAJA 6:1-13
 Hier is ek! Stuur my!

Om uit te reik“Heilig, heilig, heilig is die Here die Almagtige! Die hele aarde is vol van sy magtige teenwoordigheid.”  Vanoggend, uit die Here se Woord, hoor ons hoe uitreikwerk gedoen behóórt te word. Ons moet dit doen soos die serafs dit doen.  Serafs?  Ja, die serafs: daardie geestelike wesens wat die heeltyd in die Here se teenwoordigheid is. Hulle het ses vlerke gehad, hoor ons hier.  Met vier van die vlerke het hulle hulleself bedek – miskien uitdrukking daarvan dat God, in wie se teenwoordigheid hulle is – ver te wonderlik is om heeltemal te begryp.  God is altyd nog meer wonderlik as wat ʼn mens ooit kan vasvat met jou gedagtes en jou woorde. So, met vier vlerke bedek die serafs hulleself.  Maar - met twee vlieg hulle!  Daar’s beweging.  Die serafs dra die wonderlikheid van hierdie God wat op ʼn baie hoë troon sit al hoe verder uit.

TEMA: GAAN IN VREDE
 
DEEL 1: ONS HET VREDE....
Dink jou in hierdie situasie in. Dis Sondagaand. Jesus is Vrydag gekruisig. Die 11 dissipels kruip weg – hulle is BANG!
 
Jesus en sy dissipels is deur die Jode as moeilikheidmakers gesien en nou is Jesus doodgemaak. Wat gaan die Jode met die dissipels doen‽ Almal weet wie hulle is, dis nie asof hulle in die geheim opgetree het nie.
 
Gestel jy is deel van ’n bende van 12, ’n bende wat die owerheid van probeer ontslae raak, ’n bende waar al die mense presies weet wie julle 12 is – en nou is julle leier gevang en doodgemaak! Wat dink jy gaan met jou gebeur? Wat dink jy lê vir jou voor?
 
Dis die dissipels die Sondagaand.

Kyk eers die volgende video deur "Bible Project"

Kyk die preek

Kyk die preek

 LEES:                       JOHANNES 20:1-18
 Gaan vertel dit!
 1.         Sien is glo ... of is dit?
Sien is glo ... of is dit?  Is dit nie dalk eerder hoor is glo nie?  Het julle opgelet hoe dat ons, in hierdie vertelling in die werklikheid van Jesus opstanding ingelei word – nie net deur wat ons sien nie, maar juis deur wat ons hoor!  Hoe werk sien en hoor saam met mekaar wanneer dit oor geloof in Jesus se opstanding gaan?  Dink bietjie saam met my hieroor vanoggend.

Kyk die preek

LEES: JOHANNES 18:28-19:16
 
Die Lam van God wat die sonde van die wêreld wegneem
 
1.         Daar is die Lam van God”
“Dit is die mens,” sê Pilatus toe hy vir Jesus aan die skare wys daardie Vrydag oggend.  “Dit is die mens... Dís hoe die mens lyk.” 
Hierdie woorde van Pilatus is so vol betekenis, want dit nooi ons uit om terug te gaan reg na die begin toe van Johannes se verhaal oor Jesus. Onthou mooi, reg aan die begin van Johannes een – in die eerste paar verse – hoor ons ook van die mens. Ons hoor dat die Woord van God méns geword het en onder ons kom woon het. Die onsigbare, oneindige, ewige God is verenig met die mens in hierdie persoon, Jesus, wat in Nasaret gebore is.

Kyk die preek