Het dit al met jou gebeur dat jy in jou nood spesifieke dinge van die Here vra,
en jy voel jy  kry geen antwoord nie?
Maar as jy mooi na die saak sou kyk,
is dit nie dat die Here jou nie geantwoord het nie,
maar jy het nog nie die antwoord gekry wat jy graag wil hê nie.

Inleiding
Waar bêre jy jou waardevolle besittings?
Iets waarvan jou lewe afhang?
 
Sekerlik op die veiligste plek wat jy kan kry!
Die misdaad en diefstal wat deel is van ons wêreld vandag, veroorsaak dat ‘n kluis net so ‘n alledaagse ding in ons huise geword het soos ‘n yskas. As jy nie ‘n kluis het nie, is jou kosbare besittings nie veilig nie. Dan kan jy groot skade ly. Dit is eenvoudig ‘n kans wat ‘n mens nie kan vat nie!

 
1.         Om die vreemdeling te verwelkom
In sy boek, A Man of Good Hope, skryf die joernalis Johnny Steinberg dat Musina een van die belangrikste stede in Afrika is.  Ja, daardie Musina wat net hier by die Beitbrug grenspos is, is vir miljoene mense in Afrika die droom, die ideaal wat hulle wil bereik.  Want as hulle net by Musina kan uitkom, dan is hulle in Suid Afrika, en in hulle oë is dit die land van melk en heuning.  Hier is geleenthede, hier gaan hulle werk kry, hiervandaan kan hulle geld terugstuur vir hulle mense by die huis.

Die boek Job bevestig wat die lewe ons leer.
Om gelowige te wees beteken nie ‘n seepgladde, voorspoedige, voor die wind lewe sonder enige probleme nie.
Sedert die sondeval is probleme deel van ons aardse lewe.
Al wat verskil is die aard en intensiteit van die probleme wat mense ervaar.
Dit wissel van probleempies wat jy sommer so in jou daaglikse lewe hanteer tot traumatiese ervarings wat die wêreld vir jou op sy kop draai…

Inleiding
Wat sou jy gedoen het as jy Daniël was?
Sou jy steeds aangehou bid het soos altyd? Sou jy regtig?
Of sou jy dit dalk ook oorweeg het om ter wille van jou eie veiligheid maar vir 30 dae op te hou bid? Want ons weet mos hoe groot en gevaarlik ‘n leeu is. En ‘n hele kuil vol van hulle is verskriklik!
 

Inleiding
Is jy moeg?
Uitgeput?
Voel jy oorlaai – of alles net te veel geword het?
Wens jy die jaar kan maar net klaarkry – dat ons ‘n bietjie kan gaan rus?

Job 1:1 EN 2:1-10    Wanneer die lewe nie meer sin maak nie
Hier in ons eie gemeente is daar egpaar wat nou  7 jaar gewag het vir ‘n tweede kind.  Groot was hul opgewondenheid met die geboorte van die 2de kind verlede week.  4 ure later is hul ingelig die kind het ‘n baie ernstige hartdefek.   Later is vasgestel dat die kind se 2 hoof slagare omgeruil is…

Ek sukkel om balans te hê in my verhouding met myself. Ek is geneig om na een van twee kante skeef te trek:
​
1.Dink te veel van myself:
2.Dink te min van myself
​

​WAT IS JOU ERFENIS?

Erfenisdag is een van my gunsteling vakansiedae! Ek dink dis omdat ek van die idee van ’n ‘erfenis’ hou. ’n Erfenis is iets wat iemand anders voor gewerk het en dan vir jou gee as hulle weggaan. Jy het niks daarvoor gedoen nie, maar jy kry dit en dis joune. Is dit nie wonderlik nie? Maar ek dink die ding wat ’n ‘erfenis’ vir my spesiaal maak is dat die persoon wat vir jou iets gee dit nie hoef te doen nie – hulle doen dit omdat hulle wil. Iemand, wat hard vir iets gewerk het, besluit om dit vir my te gee, nie omdat ek dit verdien nie, maar bloot omdat hulle wil.......

​Maar dis nie die enigste vraag wat ons vandag vir onsself moet afvra nie. As die lewe net gaan oor wat ek erf, is ek darem vreeslik selfsugtig. Iewers moet ek tog ook vra:
Wat gee ek as erfenis?

Wat kry ander by my wat hulle nie verdien nie? Wat gee ek vir ander wat hulle lewe beter maak? Wat los ek agter by mense as ek van hulle af weggaan? Wat kry my kinders en kleinkinders en vriende en kollegas en bure by my?.....