Luister Preek | Laai teks af
| Laai audio af
| ||||
JOU SKANDE IS WEG! VAT JOU SKANDE SOOS ’N MAN!
Kersfees is die fees van skandale! As daardie eerste Kersfees vandag sou moes plaasvind, sou ons nie daarvan in Beeld gelees het nie... Dit sou in die Huisgenoot of People Magazine gewees het! Waarom het ons van Kersfees ’n mooi, skoon nuusgebeurtenis gemaak? Verloor ons nie die betekenis van Kersfees omdat ons die skandaal – of liewer skandale, want daar is ’n klomp! – daar uitgehaal het nie?!
Kersfees is die fees van skandale! As daardie eerste Kersfees vandag sou moes plaasvind, sou ons nie daarvan in Beeld gelees het nie... Dit sou in die Huisgenoot of People Magazine gewees het! Waarom het ons van Kersfees ’n mooi, skoon nuusgebeurtenis gemaak? Verloor ons nie die betekenis van Kersfees omdat ons die skandaal – of liewer skandale, want daar is ’n klomp! – daar uitgehaal het nie?!
Hoor hier - Matteus 1:18-21:
18Dit is hoe Jesus gebore is: Maria, sy ma, was verloof aan Josef.
Hier moet ons eers bietjie verduidelik, want ’n verlowing in daardie tyd was anders as ’n verlowing vandag. Verlowing in die Bybelse tyd was baie meer bindend as in vandag se tyd. Om verloof te word, moes jy dit voor 2 getuies doen, die bruid en bruidegom moes instem en die bruidegom moes ’n wettige bindende verklaring aflê dat hy met die bruid gaan trou. Na die verlowing is die twee as aan mekaar verbind beskou. Indien jy verloof was en daarna toenadering soek tot iemand anders, is jy as egbreker beskou en kon jy gestenig word! In Galilea, waar Josef en Maria gewoon het, was dit nie maklik om verloof te wees nie - die verlowing het gewoonlik vir ’n jaar aangehou en in hierdie jaar mag die man en meisie geen tyd alleen met mekaar spandeer nie... Hulle mag net bymekaar gewees het as daar ander mense by was, net om seker te maak...
Verlowing was so ernstig, dat as die man doodgegaan het voor die troue, is die meisie as ’n weduwee gesien en hanteer!
Laaste gedagte oor verlowing: die meisies was gewoonlik tussen 12 en 14 en die mans tussen 18 en 20, so as ons aan Josef en Maria dink, moet ons dink aan ’n matriekseun en ’n graad 7 dogter...
Kom ons lees verder...
Nog voor hulle getroud is en hulle intiem verkeer het, het dit geblyk dat sy verwagtend was. Die Heilige Gees het die baba in haar verwek. 19Josef, haar verloofde, was in ’n dilemma. Aan die een kant was hy ’n wetsgehoorsame man; aan die ander kant wou hy haar die openbare skande spaar. Daarom het hy hom voorgeneem om die verlowing privaat te verbreek.
Skande!!!! Die verloofde vrou is swanger en almal weet dat Josef nie die pa is nie – hulle het dan geen alleen tyd spandeer nie... Wat nou? Wel, Josef was ’n wetsgehoorsame man, hy was ’n goeie Jood wat doen wat die wet sê. En wat sê die wet? Deuteronomium 22 – die man en die meisie moet met klippe doodgegooi word! Hulle het egbreuk gepleeg! As wetsgehoorsame man moes Josef vir Maria oorlewer sodat sy met klippe doodgegooi kon word... Sy en die pa van die kind...
Nog skande!!! Maria sê die pa van die kind is God self! Dink jou vir ’n oomblik in dat ’n graad 7 dogter vandag swanger word en sê dat God die Pa is... Huisgenoot! People Magazine!
Wat sal die kerk sê? Tug! Straf! Onaanvaarbaar! Leuenaar! Godslasteraar...
Dink nou aan die Jode van Josef se tyd... Hulle het vir Jesus gekruisig vir godslastering!
Markus 14:63-64:
Toe skeur die hoëpriester uit verontwaardiging sy klere en sê: “Waarvoor het ons nog getuies nodig? 64 Julle het die godslastering gehoor. Hoe lyk dit vir julle?” Hulle het Hom eenparig veroordeel: “Hy verdien die dood!”
Johannes 10:33:
“Dis nie oor ’n goeie daad dat ons jou wil stenig nie,” antwoord die Jode Hom, “maar oor godslastering, omdat jy, wat ’n gewone mens is, jou as God voordoen.”
Wat sou hulle aan Maria doen? Sy sê God is die Pa van haar kind! Dit beteken:
1. God het met haar gemeenskap gehad
2. God pleeg egbreuk
3. God is nie in die tempel nie
4. God doen sonde!
As sy nie vir egbreuk doodgemaak moet word, moet sy verseker vir godslastering doodgemaak word!!!
Maar wat doen Josef? Wat doen die wetsgehoorsame man? Doen hy wat die wet sê? Nee!!! Hy probeer om vir Maria van skande te spaar! Nie homself nie, nie sy skande nie – Maria s’n! Hy probeer haar genadig wees! Kom ons breek stil-stil die verlowing... Dan is jy nie ’n egbreker nie! Josef doen nie wat die wet sê nie, omdat hy die beste wil hê vir Maria!!!
Wat toe?
20Met hierdie dinge in gedagte het hy aan die slaap geraak. Daarop verskyn ’n engel van die Here in ’n droom aan hom en sê: “Moenie huiwer om voort te gaan met jou huwelik met Maria nie. Die Kindjie wat sy dra, is verwek deur die Heilige Gees. 21Sy sal aan ’n Seun geboorte gee, en jy moet Hom Jesus* noem, want Hy sal sy volk van hulle sondes red.”
22Dit alles het gebeur om die Here se boodskap deur die profeet te laat uitkom: (Jesaja 7:14)
23“Die maagd sal swanger word! Sy sal aan ’n Seun geboorte gee. En die mense sal Hom Immanuel noem.”* (Hierdie naam beteken: God is by ons.)
24Toe Josef wakker word, het hy gemaak soos die engel van die Here hom beveel het. Hy het Maria as sy vrou by hom in die huis geneem, 25maar hy het nie by haar geslaap totdat haar Seun gebore is nie. En hy het Hom Jesus genoem.
’n Mens wonder dadelik waarom die engel nie vroeër gekom het nie! Waarom het die engel nie vir Josef kom sê voordat Maria dit vir hom kom sê het nie? Waarom moes hy eers by Maria hoor en worstel met wa om te maak voordat die Here vir hom die antwoord kom gee het?
Wel, 2 redes:
1. Die Here wil Josef se karakter wys, want dit is sy getuienis
2. Die Here wil Josef se karakter laat groei, want hy gaan dit nodig hê in die jare wat kom
(En is dit nie wat die Here vandag nog met ons doen nie?)
Weer kom Josef se karakter na vore – hy luister DADELIK vir die Here! Hy trou met Maria, nog voor die jaar om is! Weer steur hy hom nie aan die wet nie, maar doen wat vir Maria die beste is. Want nou kan sy maar swanger raak – sy is immers getroud! Nou is die skande op hom – hy kon nie ’n jaar wag nie, hy het nie die reëls gehoorsaam nie, hy het nie gedoen wat die wêreld van hom verwag het nie, hy het oortree. Josef word die skande ter wille van Maria!
En tog lees ons ’n baie interessante sinnetjie – “hy het nie by haar geslaap totdat haar Seun gebore is nie.” Hoekom nie – sy is tog sy vrou? En hoekom staan dit daar, hoekom staan dit in die Bybel?
Omdat Josef sy vrou en God eer! Omdat Josef respek het vir wat God besig is om te doen! Sodat daar geen onduidelikheid kan wees oor wie Jesus se regte Pa is nie! Sodat die wêreld kan weet dat Jesus Immanuel is, God met ons.
Oor 2 dae is dit Kersfees, die fees van skande!
’n Verloofde meisie word swanger – skande!
Die pa is nie haar verloofde nie – skande!
Sy beweer God self is die pa – skande met hoofletters!!!
Maar Kersfees is ook die fees van genade, van ’n pa wat die skande wegneem, van ’n pa wat die skande op hom neem.
Kersfees is die fees van ’n pa wat nie doen wat die wet sê nie, wat nie straf volgens verdienste nie, maar wat uit genade en liefde optree.
Kersfees is die fees van iemand wat die Kind van Kersfees aanvaar met alles wat dit beteken:
· ’n Lewe wat so anders is wat as beplan
· Verwerping
· Skande
Hoe voel jy oor Kersfees? Wat beteken Kersfees vir jou?
2 dinge:
1. Kersfees beteken vir my dat God my skande wegneem. Ja, volgens die wet verdien ek om doodgemaak te word! Ek is vol sonde! Ek verdien skande en verwerping en straf! Maar God neem dit op Hom, Jesus neem dit op Hom! Hy word gespot en geslaan en verwerp. Hy word skande aan ’n kruis. Hy gaan dood in my plek. Ek is vry!
2. Maar Kersfees beteken ook vir my dat my lewe anders is, anders is as wat die wêreld leer ’n ideale lewe is. Kersfees beteken vir my dat die Kind van Kersfees my lewe kom omkeer, dat my lewe aan Hom verbind is met alles wat dit beteken. Dat ek my gemak en my planne en my status en my gerief opoffer vir Hom. Dat ek verwerping en skande en harde werk en verandering en onvoorspelbaarheid omhels ter wille van die Seun.
Of doen ek dit? Gebeur dit nog soms dat ek eerder die Seun opoffer, om my skande en verwerping en ongerief te spaar.
Josef het nie gedoen wat vir die wêreld reg is nie, hy het gedoen wat vir God reg is, omdat God gedoen het, wat vir Josef reg was. Mag ons dit ook doen op Kersdag en elke dag van ons lewe!
AMEN.
18Dit is hoe Jesus gebore is: Maria, sy ma, was verloof aan Josef.
Hier moet ons eers bietjie verduidelik, want ’n verlowing in daardie tyd was anders as ’n verlowing vandag. Verlowing in die Bybelse tyd was baie meer bindend as in vandag se tyd. Om verloof te word, moes jy dit voor 2 getuies doen, die bruid en bruidegom moes instem en die bruidegom moes ’n wettige bindende verklaring aflê dat hy met die bruid gaan trou. Na die verlowing is die twee as aan mekaar verbind beskou. Indien jy verloof was en daarna toenadering soek tot iemand anders, is jy as egbreker beskou en kon jy gestenig word! In Galilea, waar Josef en Maria gewoon het, was dit nie maklik om verloof te wees nie - die verlowing het gewoonlik vir ’n jaar aangehou en in hierdie jaar mag die man en meisie geen tyd alleen met mekaar spandeer nie... Hulle mag net bymekaar gewees het as daar ander mense by was, net om seker te maak...
Verlowing was so ernstig, dat as die man doodgegaan het voor die troue, is die meisie as ’n weduwee gesien en hanteer!
Laaste gedagte oor verlowing: die meisies was gewoonlik tussen 12 en 14 en die mans tussen 18 en 20, so as ons aan Josef en Maria dink, moet ons dink aan ’n matriekseun en ’n graad 7 dogter...
Kom ons lees verder...
Nog voor hulle getroud is en hulle intiem verkeer het, het dit geblyk dat sy verwagtend was. Die Heilige Gees het die baba in haar verwek. 19Josef, haar verloofde, was in ’n dilemma. Aan die een kant was hy ’n wetsgehoorsame man; aan die ander kant wou hy haar die openbare skande spaar. Daarom het hy hom voorgeneem om die verlowing privaat te verbreek.
Skande!!!! Die verloofde vrou is swanger en almal weet dat Josef nie die pa is nie – hulle het dan geen alleen tyd spandeer nie... Wat nou? Wel, Josef was ’n wetsgehoorsame man, hy was ’n goeie Jood wat doen wat die wet sê. En wat sê die wet? Deuteronomium 22 – die man en die meisie moet met klippe doodgegooi word! Hulle het egbreuk gepleeg! As wetsgehoorsame man moes Josef vir Maria oorlewer sodat sy met klippe doodgegooi kon word... Sy en die pa van die kind...
Nog skande!!! Maria sê die pa van die kind is God self! Dink jou vir ’n oomblik in dat ’n graad 7 dogter vandag swanger word en sê dat God die Pa is... Huisgenoot! People Magazine!
Wat sal die kerk sê? Tug! Straf! Onaanvaarbaar! Leuenaar! Godslasteraar...
Dink nou aan die Jode van Josef se tyd... Hulle het vir Jesus gekruisig vir godslastering!
Markus 14:63-64:
Toe skeur die hoëpriester uit verontwaardiging sy klere en sê: “Waarvoor het ons nog getuies nodig? 64 Julle het die godslastering gehoor. Hoe lyk dit vir julle?” Hulle het Hom eenparig veroordeel: “Hy verdien die dood!”
Johannes 10:33:
“Dis nie oor ’n goeie daad dat ons jou wil stenig nie,” antwoord die Jode Hom, “maar oor godslastering, omdat jy, wat ’n gewone mens is, jou as God voordoen.”
Wat sou hulle aan Maria doen? Sy sê God is die Pa van haar kind! Dit beteken:
1. God het met haar gemeenskap gehad
2. God pleeg egbreuk
3. God is nie in die tempel nie
4. God doen sonde!
As sy nie vir egbreuk doodgemaak moet word, moet sy verseker vir godslastering doodgemaak word!!!
Maar wat doen Josef? Wat doen die wetsgehoorsame man? Doen hy wat die wet sê? Nee!!! Hy probeer om vir Maria van skande te spaar! Nie homself nie, nie sy skande nie – Maria s’n! Hy probeer haar genadig wees! Kom ons breek stil-stil die verlowing... Dan is jy nie ’n egbreker nie! Josef doen nie wat die wet sê nie, omdat hy die beste wil hê vir Maria!!!
Wat toe?
20Met hierdie dinge in gedagte het hy aan die slaap geraak. Daarop verskyn ’n engel van die Here in ’n droom aan hom en sê: “Moenie huiwer om voort te gaan met jou huwelik met Maria nie. Die Kindjie wat sy dra, is verwek deur die Heilige Gees. 21Sy sal aan ’n Seun geboorte gee, en jy moet Hom Jesus* noem, want Hy sal sy volk van hulle sondes red.”
22Dit alles het gebeur om die Here se boodskap deur die profeet te laat uitkom: (Jesaja 7:14)
23“Die maagd sal swanger word! Sy sal aan ’n Seun geboorte gee. En die mense sal Hom Immanuel noem.”* (Hierdie naam beteken: God is by ons.)
24Toe Josef wakker word, het hy gemaak soos die engel van die Here hom beveel het. Hy het Maria as sy vrou by hom in die huis geneem, 25maar hy het nie by haar geslaap totdat haar Seun gebore is nie. En hy het Hom Jesus genoem.
’n Mens wonder dadelik waarom die engel nie vroeër gekom het nie! Waarom het die engel nie vir Josef kom sê voordat Maria dit vir hom kom sê het nie? Waarom moes hy eers by Maria hoor en worstel met wa om te maak voordat die Here vir hom die antwoord kom gee het?
Wel, 2 redes:
1. Die Here wil Josef se karakter wys, want dit is sy getuienis
2. Die Here wil Josef se karakter laat groei, want hy gaan dit nodig hê in die jare wat kom
(En is dit nie wat die Here vandag nog met ons doen nie?)
Weer kom Josef se karakter na vore – hy luister DADELIK vir die Here! Hy trou met Maria, nog voor die jaar om is! Weer steur hy hom nie aan die wet nie, maar doen wat vir Maria die beste is. Want nou kan sy maar swanger raak – sy is immers getroud! Nou is die skande op hom – hy kon nie ’n jaar wag nie, hy het nie die reëls gehoorsaam nie, hy het nie gedoen wat die wêreld van hom verwag het nie, hy het oortree. Josef word die skande ter wille van Maria!
En tog lees ons ’n baie interessante sinnetjie – “hy het nie by haar geslaap totdat haar Seun gebore is nie.” Hoekom nie – sy is tog sy vrou? En hoekom staan dit daar, hoekom staan dit in die Bybel?
Omdat Josef sy vrou en God eer! Omdat Josef respek het vir wat God besig is om te doen! Sodat daar geen onduidelikheid kan wees oor wie Jesus se regte Pa is nie! Sodat die wêreld kan weet dat Jesus Immanuel is, God met ons.
Oor 2 dae is dit Kersfees, die fees van skande!
’n Verloofde meisie word swanger – skande!
Die pa is nie haar verloofde nie – skande!
Sy beweer God self is die pa – skande met hoofletters!!!
Maar Kersfees is ook die fees van genade, van ’n pa wat die skande wegneem, van ’n pa wat die skande op hom neem.
Kersfees is die fees van ’n pa wat nie doen wat die wet sê nie, wat nie straf volgens verdienste nie, maar wat uit genade en liefde optree.
Kersfees is die fees van iemand wat die Kind van Kersfees aanvaar met alles wat dit beteken:
· ’n Lewe wat so anders is wat as beplan
· Verwerping
· Skande
Hoe voel jy oor Kersfees? Wat beteken Kersfees vir jou?
2 dinge:
1. Kersfees beteken vir my dat God my skande wegneem. Ja, volgens die wet verdien ek om doodgemaak te word! Ek is vol sonde! Ek verdien skande en verwerping en straf! Maar God neem dit op Hom, Jesus neem dit op Hom! Hy word gespot en geslaan en verwerp. Hy word skande aan ’n kruis. Hy gaan dood in my plek. Ek is vry!
2. Maar Kersfees beteken ook vir my dat my lewe anders is, anders is as wat die wêreld leer ’n ideale lewe is. Kersfees beteken vir my dat die Kind van Kersfees my lewe kom omkeer, dat my lewe aan Hom verbind is met alles wat dit beteken. Dat ek my gemak en my planne en my status en my gerief opoffer vir Hom. Dat ek verwerping en skande en harde werk en verandering en onvoorspelbaarheid omhels ter wille van die Seun.
Of doen ek dit? Gebeur dit nog soms dat ek eerder die Seun opoffer, om my skande en verwerping en ongerief te spaar.
Josef het nie gedoen wat vir die wêreld reg is nie, hy het gedoen wat vir God reg is, omdat God gedoen het, wat vir Josef reg was. Mag ons dit ook doen op Kersdag en elke dag van ons lewe!
AMEN.
RSS Feed