| Luister preek | | Laai preek af | 
| ||
Ek het R50 in my hand. Die eerste persoon wat na vore kom kan dit kry.....
[Onthou julle nog die ou R50 noot.... met Van Riebeeck.
Hier is die nuwe een met Mandela]
Hoekom het jy nie na vore gekom nie?
[Onthou julle nog die ou R50 noot.... met Van Riebeeck.
Hier is die nuwe een met Mandela]
Hoekom het jy nie na vore gekom nie?
- Posisie: ek was te ver of in die middel van die ry
- Bekwaamheid: ek is nie vinnig genoeg nie
- Wantroue: iewers is daar ’n slang in die gras....
- Selfbeeld: ek is skaam om voor mense op te tree
| | Motivering: R50 is nie die moeite werd nie... As ek kan kies of ek gaan hardloop vir R50... Nee wat. R50 gaan niks verander nie. Hoekom het een/ ’n paar wel: · Vertroue: Wilhelm sal doen wat hy belowe · Bekwaamheid: is vinnig genoeg · Posisie: sit voor of aan die kant |
Weet julle, gebed werk dieselfde! God nooi ons om permanent met Hom in gesprek te wees! Meer nog, Hy nooi ons om in sy rykdomme te deel. Daarvoor is 3 dinge nodig:
· Vertroue: Ek moet glo dat God wil en kan
· Bekwaamheid: Ek moet aanvaar dat ek goed genoeg is om by God uit te kom
· Posisie: Ek moet aanvaar dat ek in die regte posisie is omdat Jesus Christus en die Heilige Gees IN my leef.
Geld dit van jou?
Ongelukkig het ons met gebed baie keer dieselfde hindernisse wat ons gehad het met die R50.
· Posisie: ek dink ek is te ver van die Here af, ek kan nie bid nie. EK is te sleg, ek doen te veel verkeerd. Die mense wat naby die Here is moet maar eerder gaan... Hey, God woon IN jou – hoe naby wil jy wees??!!!
· Bekwaamheid: ek dink ek is nie goed genoeg nie, ek het nie die gawes nie – daarom moet die dominee maar bid {Vandag nog mense wat die dominee inroep om namens hulle te bid!!! Sal jy iemand inroep om namens jou jou verhouding met jou ou of meisie of man of vrou te hanteer?}
· Wantroue: ek is nie heeltemal seker dat die Here regtig kan nie. Daarom bid ek maar rympies en sê ek goed wat ek nie regtig oor dink nie en ook nie regtig glo dat dit kan gebeur nie...
· Selfbeeld: ek is skaam oor myself, daarom kan ek nie voor mense bid nie en bid ek nie vir mense nie en verkies ek dit om liewer anoniem weg te kruip in die geloofswêreld.
· Motivering: ek bid maar omdat ek moet, maar as ek kan kies – liewer nie. Watse verskil maak dit in elk geval.
Maar dis nie wat die Here vir ons sê nie! Luister na 1 Timoteus 2:1-8:
Ek dring daarop aan dat daar in die eerste plek met smeking, voorbidding en danksegging gebid moet word vir alle mense, 2 vir dié wat regeer en vir almal wat gesag uitoefen, sodat ons ’n rustige en stil lewe kan lei in volkome toewyding aan God en in alle eerbaarheid.
3 So is dit goed en aanneemlik vir God, ons Verlosser, 4 wat wil hê dat alle mense gered word en tot kennis van die waarheid kom. 5 Daar is immers net een God, en daar is net een Middelaar tussen God en die mense, die mens Christus Jesus 6 wat Homself as ’n losprys vir almal gegee het. Dit was op die bestemde tyd die bewys van die bedoeling van God.
7 Met die oog hierop is ek aangestel as prediker en apostel, as ’n leraar om die heidennasies te onderrig in die boodskap van die geloof en die waarheid. Ek praat die waarheid, ek lieg nie. 8 Ek wil dus hê dat die mans by elke plek van samekoms met ’n skoon gewete hande in gebed tot God moet ophef, vry van onmin en twis.
Kom ons lees weer 1 Timoteus 2:1, 2:
Ek dring daarop aan dat daar in die eerste plek met
1. smeking,
2. voorbidding en
3. danksegging
gebid moet word vir alle mense, 2 vir dié wat regeer en vir almal wat gesag uitoefen, sodat ons ’n rustige en stil lewe kan lei in volkome toewyding aan God en in alle eerbaarheid.
Hoor jy – hierdie is nie sommer ’n ‘nice to have’ nie: “EK DRING DAAROP AAN”, dit MOET gebeur. En wat is dit wat MOET gebeur? Dat ons IN DIE EERSTE PLEK vir mense bid! God wil hê dat ons IN DIE EERSTE PLEK vir mense moet bid. So baie keer is ons gebede eerste vir onsself... Maar in gebed lê daar groot krag. Daarom moet ons vir ander mense bid. En dit moet VERAL in die eredienste gebeur – daarom dat Paulus in vers 8 skryf:
8 Ek wil dus hê dat die mans by elke plek van samekoms met ’n skoon gewete hande in gebed tot God moet ophef, vry van onmin en twis.
Nou sal ’n paar van ons dadelik vra:
· Hoekom net die mans?
· Hoekom met hande in die lug?
Die antwoorde is eintlik eenvoudig, maar tog veelseggend:
· Dis die mans omdat net die mans in daardie tyd aan die eredienste deelgeneem het. Die veelseggende is dat dit nie die ouderlinge of predikante of diakens is wat moet bid nie, maar die “mans”, oftewel, ALMAL wat aan die erediens deelneem. Vir Wapadrant is 2012 sou Paulus dus skryf: “Ek wil dus hê dat almal in die erediens bid...” Gebed is nie iets wat namens jou gedoen word nie...
· Die rede vir die hande ophef is net so eenvoudig en net so veelseggend. In die tyd wat Paulus skryf was dit algemene samelewingspraktyk om met jou hande in die lug te aanbid – in daardie tyd het die Jode Jode, die Griekse godsdienste en die Romeine godsdienste dit gedoen. Dit is só veelseggend want dit sê vir ons dat die manier waarop ons dit doen, nie vreemd en weird moet wees nie, maar moet wees soos die wêreld waarin ons leef.
Die klem is nie die mans of die hande in die lug nie – vir die mense van daardie tyd sou dit algemeen gewees het. Die klem vir Paulus is dat mense moet bid VRY VAN ONMIN EN TWIS! Ek kan nie bid as my hart vol onmin en twis is nie. Vir my om in gebed tot God te nader moet ek dit deur die Heilige Gees in my doen en as ek vol is van die Heilige Gees, dan is daar nie onmin en twis in my lewe nie! Dan is my lewe vol van die vrug van die Heilige Gees – liefde, vrede, vriendelikheid, geduld, goedhartigheid.
Johannes 13:35: “Ek gee julle ’n nuwe gebod: julle moet mekaar liefhê. Soos Ek julle liefhet, moet julle mekaar ook liefhê.”
Gebed kom uit die hart uit – hoe lyk my en jou hart vanoggend? Wat is daar wat ek van ontslae moet raak voor ek nou kan bid? Kom ons doen dit nou...
[1 minuut stilte]
As ons vry is van onmin en twis, dan kan ons bid. En dan bid ons in die eerste plek vir ANDER mense, veral vir dié wat regeer. Wat is die inhoud van daardie gebed?
· Smeking: waar ek die Here vra, omdat ek Hom vertrou
· Voorbidding: waar ek vir ander bid, omdat liefde vir mekaar dié eienskap van ’n gelowige is.
· Danksegging: omdat my hele lewe kom uit die rykdomme van God. Ek is niks, ek het niks as God dit nie vir my gee nie!
Wanneer ons vandag vir Daniël en Lara doop, sê ons daardeur dat hulle deel is van God se kerk, God se liggaam. Meer nog, ons sê dat hulle deel is van ons. As getuie van die doop sê ek en jy dat ons ook verantwoordelikheid vir hulle gaan neem en dat hulle verantwoordelikheid vir my en jou neem. Hoe gaan ek en jy dit doen? Kyk rondom jou – jy is verantwoordelik vir hierdie mense! Hoe gaan jy dit doen as jy dit nie met en deur God doen nie? Hoe gaan jy vir hulle sorg as jy dit nie met God se R50 doen nie? Hoe gaan ek en jy vir mekaar lief wees as ons nie vir mekaar bid nie!
Kom ons doen dit nou!
Amen.
RSS Feed