Luister Preek | Laai teks af
| Laai audio af
| ||||
TEKSGEDEELTE: Openbaring 2:12-17
Inleiding
Een van die dinge wat ‘n mens van kleinsaf baie opgewonde maak, is wanneer jy ‘n geskenk ontvang: op jou verjaarsdag, met Kersfees, by spesiale geleenthede (soos Vadersdag vandag) ensomeer. Dis tog heerlik om ‘n geskenk te ontvang: die opgewonde afwagting, die plesier van die oopmaak, die genoegdoening wanneer jy dit gebruik of sien en diep vreugde daaruit put. Veral wanneer jy weet dat hierdie geskenk diep uit die hart kom van iemand wat regtig vir jou omgee, is dit ekstra spesiaal!
Inleiding
Een van die dinge wat ‘n mens van kleinsaf baie opgewonde maak, is wanneer jy ‘n geskenk ontvang: op jou verjaarsdag, met Kersfees, by spesiale geleenthede (soos Vadersdag vandag) ensomeer. Dis tog heerlik om ‘n geskenk te ontvang: die opgewonde afwagting, die plesier van die oopmaak, die genoegdoening wanneer jy dit gebruik of sien en diep vreugde daaruit put. Veral wanneer jy weet dat hierdie geskenk diep uit die hart kom van iemand wat regtig vir jou omgee, is dit ekstra spesiaal!
1. Besondere geskenke van die Koning van die kerk
Nou lees ons in ons teksgedeelte van 2 besondere en unieke geskenke – wat die Koning van die kerk gee aan sy uitverkorenes. Dit is besondere geskenke: geskenke wat gegee word aan elkeen wat die oorwinning behaal (2:17).
Soos in die ander rapporte wat Christus in hierdie eerste hoofstukke van Openbaring oor die verskillende gemeentes lewer, het hierdie rapport oor die gemeente van Pergamum positiewe en negatiewe elemente in. Ten spyte van vervolging bly hulle getrou en hou hulle vas aan die geloof in Christus – en daarvoor word hulle aangemoedig. Tog is daar onder hulle diegene wat hulle van die waarheid laat weglei en deurmekaar raak met dinge soos offers aan afgode en onsedelikheid wat daarmee gepaard gaan – en hieroor word hulle vermaan en opgeroep om hulle te bekeer – met die dreigement dat die Koning van die kerk self sal kom om die oordeel uit te voer. Uiteraard is hierin vir ons elkeen ‘n belangrike boodskap in opgesluit, waarna ons vir seker ernstig moet luister!
Maar dan is daar ook die heerlike belofte (2:17):
Aan elkeen wat die oorwinning behaal, sal Ek van die verborge manna gee, en daarby sal Ek vir hom ‘n wit steentjie gee met ‘n nuwe naam daarop gegraveer, wat niemand anders ken nie, net hy wat dit kry.
Eerstens gaan dit dus om die oorwinning. Watter oorwinning? Die oorwinning oor die sonde en die bose. Die oorwinning waarvan Paulus dit uit juig in Romeine 8:37:
Maar in al hierdie dinge is ons meer as oorwinnaars deur Hom wat vir ons liefhet...
Dit is die oorwinning wat finaal in die volle sin van die woord werklikheid word wanneer ons lewe op aarde beëindig word. Maar dit is ook natuurlik die oorwinning wat al meer moet sigbaar word in ons lewe van elke dag: wat ons ook al doen – of ons by die werk is, of by die huis, of ons besigheid doen, of ons ontspan, of ons trou, of ons besig is om te werk aan ons huwelike... In alles moet dit al duideliker word dat ons die oorwinning behaal het en elke dag steeds behaal oor die sonde en die bose.
2. Verborge manne en wit steentjies
Aan elkeen wat die oorwinning behaal – elke dag, meer en meer – word hierdie 2 geskenke gegee: die verborge manna en die wit steentjies.
Wat is die betekenis van die “verborge manna”?
Volgens Joodse tradisie sou die Messias gedurende sy tyd van heerskappy manna stuur vanaf die hemel na die aarde – soos wat die Here dit gedoen het om sy uitverkore volk te versorg terwyl hulle destyds met die woestyntog oppad was na die beloofde land.
[Wys die foto van die manna]
Volgens dieselfde tradisie sou manna later in die toekomstige era die uitsluitlike kos wees van die regverdiges. Jesus verwys hierna (in Joh. 6:22-40) wanneer Hy duidelik maak dat Hyself die ware brood is wat uit die hemel gegee word aan die gelowiges: Hy is die ware Brood van die ewige lewe. Hy is die werklike Manna uit die hemel – wat nuwe, ewige, heerlike lewe gee. En nou sê Hy:
Aan elkeen wat die oorwinning behaal, sal Ek van die verborge manna gee...
Die verborge manna is die manna wat veilig gehou word, wat vir die ongelowiges nie sigbaar is nie – dit is die manna wat lewe gee: ewige lewe – in en deur Jesus Christus. Wat ‘n onbeskryflike geskenk wat Hy ons – die oorwinnaars – gee!
En die 2de geskenk: die wit steentjie met ‘n nuwe naam daarop gegraveer – die naam wat niemand anders ken nie. Oor die betekenis van hierdie wit steentjie is daar verskeie menings.
[Wys die foto van die wit steentjie]
Die meeste geleerdes is dit egter eens dat hierdie wit steentjie te doen het met die gebruik in die Griekse wêreld van daardie tyd om iemand met so ‘n wit steentjie uit te nooi na ‘n bepaalde feesmaal. So ‘n wit steentjie was die bewys dat jy uitgenooi is – dit was as’t ware jou toegangskaartjie om in te gaan by die feesmaal.
In die boek Openbaring word meermale geskryf van die feesmaal van die Lam - die bruilofsmaal van die Lam: die finale viering van die oorwinning oor die sonde en van die ewige heerlikheid wat daardeur bewerk is. Só word die simboliek duidelik: elkeen wat so ‘n wit steentjie ontvang, ontvang daarmee die sekerheid van die ewige heerlikheid wat Christus bewerk het.
‘n Verdere betekenis van die wit steentjie het daarmee te doen dat iemand wat in ‘n hofsaak vrygespreek is, dikwels ‘n wit steentjie ontvang het as bewys, terwyl iemand wat skuldig bevind is, ‘n swart steentjie as bevestiging ontvang het. Die simboliek van vryspraak in en deur Christus word pragtig hiermee versterk.
Die steentjie is wit. Wit is die simbool van reinheid. So het Christus ons rein gewas deur sy bloed. Ons word gereken as gereinig voor God. En by hierdie finale feesmaal word dit werklikheid – in die volle sin van die (W)woord.
En dan is daar ‘n nuwe naam op gegraveer – ‘n naam wat niemand anders ken nie, net hy/sy wat dit kry. Oor hierdie “naam” is daar ook nie heeltemal eenstemmigheid onder geleerdes nie: sommiges reken dat dit verwys na die Naam van Jesus Christus, ons Verlosser. Ander reken dat dit gaan oor die naam van elke uitverkorene wat op sy/haar eie klippie gegraveer staan. In beide gevalle gaan dit daaroor dat die Naam van Christus of die nuwe naam van die nuwe mens nie vir ongelowiges en buitestaanders bekend of verstaanbaar is nie. Die verlossing van Christus, die waarheid van die evangelie is vir hulle aan wie die Gees die geheimenisse van God openbaar maak (skryf Paulus in 1 Kor. 1 en 2). Hoe dit ook al sy, elkeen van ons, as nuwe mense, dra in ‘n sekere sin die Naam van Christus: daarom is dit sekerlik nie verkeerd om te dink dat jou naam saam met dié van Christus op jou steentjie gegraveer is nie.
Maar die heerlike is dit: ook elkeen van ons (wat deur Christus die oorwinning behaal) ontvang hierdie simboliese wit steentjie van die Koning van die kerk. Ook elkeen van ons word vrygespreek en kry ‘n kans om weer voor te begin. Met ope arms word ons uitgenooi en ontvang by die heerlike bruilofsmaal van die Lam: wanneer Hy finaal in alle opsigte een word met sy bruid – sy kerk.
En dit moet ons uitleef: dit is wat moet gestalte kry in ons lewe van elke dag.
Slot
Wat maak jy met hierdie geskenke wat die Koning van die kerk vir jou gee? Die manna en die wit steentjie?
Wys jy dit by jou huis, by die skool, by die werk, by die gimnasium, op die tennisbaan, by die petrolpomp, in die winkelsentrum?
Is dit so dat jy hierdie geskenke nog koester?
Is dit so dat hierdie geskenke elke dag jou lewe vol maak?
Maak seker dat jy altyd hierdie geskenke voor oë het. Wys dit vir almal met wie jy te doen het. Vertel wat dit beteken vir jou lewe. Leef dit uit in alles.
Amen.
Nou lees ons in ons teksgedeelte van 2 besondere en unieke geskenke – wat die Koning van die kerk gee aan sy uitverkorenes. Dit is besondere geskenke: geskenke wat gegee word aan elkeen wat die oorwinning behaal (2:17).
Soos in die ander rapporte wat Christus in hierdie eerste hoofstukke van Openbaring oor die verskillende gemeentes lewer, het hierdie rapport oor die gemeente van Pergamum positiewe en negatiewe elemente in. Ten spyte van vervolging bly hulle getrou en hou hulle vas aan die geloof in Christus – en daarvoor word hulle aangemoedig. Tog is daar onder hulle diegene wat hulle van die waarheid laat weglei en deurmekaar raak met dinge soos offers aan afgode en onsedelikheid wat daarmee gepaard gaan – en hieroor word hulle vermaan en opgeroep om hulle te bekeer – met die dreigement dat die Koning van die kerk self sal kom om die oordeel uit te voer. Uiteraard is hierin vir ons elkeen ‘n belangrike boodskap in opgesluit, waarna ons vir seker ernstig moet luister!
Maar dan is daar ook die heerlike belofte (2:17):
Aan elkeen wat die oorwinning behaal, sal Ek van die verborge manna gee, en daarby sal Ek vir hom ‘n wit steentjie gee met ‘n nuwe naam daarop gegraveer, wat niemand anders ken nie, net hy wat dit kry.
Eerstens gaan dit dus om die oorwinning. Watter oorwinning? Die oorwinning oor die sonde en die bose. Die oorwinning waarvan Paulus dit uit juig in Romeine 8:37:
Maar in al hierdie dinge is ons meer as oorwinnaars deur Hom wat vir ons liefhet...
Dit is die oorwinning wat finaal in die volle sin van die woord werklikheid word wanneer ons lewe op aarde beëindig word. Maar dit is ook natuurlik die oorwinning wat al meer moet sigbaar word in ons lewe van elke dag: wat ons ook al doen – of ons by die werk is, of by die huis, of ons besigheid doen, of ons ontspan, of ons trou, of ons besig is om te werk aan ons huwelike... In alles moet dit al duideliker word dat ons die oorwinning behaal het en elke dag steeds behaal oor die sonde en die bose.
2. Verborge manne en wit steentjies
Aan elkeen wat die oorwinning behaal – elke dag, meer en meer – word hierdie 2 geskenke gegee: die verborge manna en die wit steentjies.
Wat is die betekenis van die “verborge manna”?
Volgens Joodse tradisie sou die Messias gedurende sy tyd van heerskappy manna stuur vanaf die hemel na die aarde – soos wat die Here dit gedoen het om sy uitverkore volk te versorg terwyl hulle destyds met die woestyntog oppad was na die beloofde land.
[Wys die foto van die manna]
Volgens dieselfde tradisie sou manna later in die toekomstige era die uitsluitlike kos wees van die regverdiges. Jesus verwys hierna (in Joh. 6:22-40) wanneer Hy duidelik maak dat Hyself die ware brood is wat uit die hemel gegee word aan die gelowiges: Hy is die ware Brood van die ewige lewe. Hy is die werklike Manna uit die hemel – wat nuwe, ewige, heerlike lewe gee. En nou sê Hy:
Aan elkeen wat die oorwinning behaal, sal Ek van die verborge manna gee...
Die verborge manna is die manna wat veilig gehou word, wat vir die ongelowiges nie sigbaar is nie – dit is die manna wat lewe gee: ewige lewe – in en deur Jesus Christus. Wat ‘n onbeskryflike geskenk wat Hy ons – die oorwinnaars – gee!
En die 2de geskenk: die wit steentjie met ‘n nuwe naam daarop gegraveer – die naam wat niemand anders ken nie. Oor die betekenis van hierdie wit steentjie is daar verskeie menings.
[Wys die foto van die wit steentjie]
Die meeste geleerdes is dit egter eens dat hierdie wit steentjie te doen het met die gebruik in die Griekse wêreld van daardie tyd om iemand met so ‘n wit steentjie uit te nooi na ‘n bepaalde feesmaal. So ‘n wit steentjie was die bewys dat jy uitgenooi is – dit was as’t ware jou toegangskaartjie om in te gaan by die feesmaal.
In die boek Openbaring word meermale geskryf van die feesmaal van die Lam - die bruilofsmaal van die Lam: die finale viering van die oorwinning oor die sonde en van die ewige heerlikheid wat daardeur bewerk is. Só word die simboliek duidelik: elkeen wat so ‘n wit steentjie ontvang, ontvang daarmee die sekerheid van die ewige heerlikheid wat Christus bewerk het.
‘n Verdere betekenis van die wit steentjie het daarmee te doen dat iemand wat in ‘n hofsaak vrygespreek is, dikwels ‘n wit steentjie ontvang het as bewys, terwyl iemand wat skuldig bevind is, ‘n swart steentjie as bevestiging ontvang het. Die simboliek van vryspraak in en deur Christus word pragtig hiermee versterk.
Die steentjie is wit. Wit is die simbool van reinheid. So het Christus ons rein gewas deur sy bloed. Ons word gereken as gereinig voor God. En by hierdie finale feesmaal word dit werklikheid – in die volle sin van die (W)woord.
En dan is daar ‘n nuwe naam op gegraveer – ‘n naam wat niemand anders ken nie, net hy/sy wat dit kry. Oor hierdie “naam” is daar ook nie heeltemal eenstemmigheid onder geleerdes nie: sommiges reken dat dit verwys na die Naam van Jesus Christus, ons Verlosser. Ander reken dat dit gaan oor die naam van elke uitverkorene wat op sy/haar eie klippie gegraveer staan. In beide gevalle gaan dit daaroor dat die Naam van Christus of die nuwe naam van die nuwe mens nie vir ongelowiges en buitestaanders bekend of verstaanbaar is nie. Die verlossing van Christus, die waarheid van die evangelie is vir hulle aan wie die Gees die geheimenisse van God openbaar maak (skryf Paulus in 1 Kor. 1 en 2). Hoe dit ook al sy, elkeen van ons, as nuwe mense, dra in ‘n sekere sin die Naam van Christus: daarom is dit sekerlik nie verkeerd om te dink dat jou naam saam met dié van Christus op jou steentjie gegraveer is nie.
Maar die heerlike is dit: ook elkeen van ons (wat deur Christus die oorwinning behaal) ontvang hierdie simboliese wit steentjie van die Koning van die kerk. Ook elkeen van ons word vrygespreek en kry ‘n kans om weer voor te begin. Met ope arms word ons uitgenooi en ontvang by die heerlike bruilofsmaal van die Lam: wanneer Hy finaal in alle opsigte een word met sy bruid – sy kerk.
En dit moet ons uitleef: dit is wat moet gestalte kry in ons lewe van elke dag.
Slot
Wat maak jy met hierdie geskenke wat die Koning van die kerk vir jou gee? Die manna en die wit steentjie?
Wys jy dit by jou huis, by die skool, by die werk, by die gimnasium, op die tennisbaan, by die petrolpomp, in die winkelsentrum?
Is dit so dat jy hierdie geskenke nog koester?
Is dit so dat hierdie geskenke elke dag jou lewe vol maak?
Maak seker dat jy altyd hierdie geskenke voor oë het. Wys dit vir almal met wie jy te doen het. Vertel wat dit beteken vir jou lewe. Leef dit uit in alles.
Amen.
RSS Feed