Luister preek | Laai teks af
| laai audio af
| ||||
| | Wat is jou REGTE? Ons was hierdie week in die besonder bewus van ons regte met Menseregtedag. In ons eie lewe kon ons dit beleef – Elrie het haar geboortesertifikaat met ID nommer en al gehad nog voor sy uit die hospitaal is, want sy is ’n unieke mens met regte. Ons regte is vir ons belangrik – mense het gely en selfs doodgegaan sodat elkeen van ons sekere regte kan hê – regte in die wêreld en regte in ons land. Wat is jou REGTE? |
Maar soos wat Donderdag ’n spesiale dag in ons land was, is vandag ’n spesiale dag in kerke oor die wêreld. Vandag staan in die kerkwêreld bekend as Palmsondag. Vandag kyk ons terug na daardie Sondag toe Jesus in Jerusalem ingegaan het met die wete dat Hy daar gekruisig gaan word. Dit word Palmsondag genoem omdat die skare mense wat Hom ingewag het, palmtakke geswaai en dit voor Hom op die grond neergesit het (Johannes 12:13: “Hulle het palmtakke gevat en Hom tegemoet gegaan ...”
Voor ons dit lees is daar 2 dinge wat ons moet vashou:
1. Die Jode van daardie tyd se lewe was nie maklik gewees nie. Hulle het swaar gekry onder die Romeinse oorheersing. Hulle het die Romeine gehaat en wou van hulle ontslae raak. Hulle hoop was op ’n profesie uit die Joodse Bybel, die Ou Testament, wat so klink:
Sagaria 9:9: Jubel, Sion! Juig, Jerusalem! Jou koning sal na jou toe kom. Hy is regverdig en hy is ’n oorwinnaar, hy is nederig en hy ry op ’n donkie, op die hingsvul van ’n donkie.
So hulle het gewag vir die koning wat hulle gaan kom bevry!
2. Die mense van daardie tyd was gewoond aan “oorwinningsoptogte”. Dit was algemene gebruik dat ’n koning of generaal wat terugkom van ’n oorwinning af, met ’n optog in die stad ingaan. Mense het dan toegestroom en hom toegejuig terwyl hy die stad inkom, gewoonlik op die rug van ’n perd. Met hierdie optogte was palmtakke prominent, omdat palmtakke in die Grieks-Romeinse wêreld die teken van triomf en oorwinning was. Dit was spesifiek die simbool van die godin Nike (ja, dis hoe mens dit uitspreek). Vir die mense van daardie tyd sou ’n optog met palmtakke hulle onmiddelik herinner aan ’n Romeinse triomf-optog, waar die oorwinnaar sy oorlogsklere uitgetrek en verruil het vir gewone klere as simbool van die vrede wat hy gebring het.
Kom ons lees wat daardie dag gebeur het.
Lukas 19:28-40:
28 Nadat Jesus hierdie dinge gesê het, het Hy voor hulle uit geloop, op pad na Jerusalem toe. 29 Toe Hy naby Betfage en Betanië kom, teen die Olyfberg, stuur Hy twee van sy dissipels vooruit met die opdrag:
30 “Gaan na die dorpie toe daar reg voor julle. Net soos julle inkom, sal julle daar ’n jong donkie kry wat vasgemaak staan. Geen mens het nog ooit op hom gery nie. Maak hom los en bring hom hier. 31 En as iemand vir julle vra: ‘Waarom maak julle hom los?’ moet julle antwoord: Die Here het hom nodig.” 32 Die twee wat gestuur is, gaan toe en kry alles net soos Hy vir hulle gesê het.
33 Terwyl hulle die donkie losmaak, vra sy eienaars vir hulle: “Waarom maak julle die donkie los?” 34 Hulle antwoord: “Die Here het hom nodig.” 35 Toe bring hulle die donkie na Jesus toe. Daarna gooi hulle van hulle klere op sy rug en help Jesus opklim. 36 Terwyl Hy aanry, het hulle van hulle klere op die pad oopgegooi.
37 Toe Hy naby die stad kom, teen die afdraand van die Olyfberg, het die hele skare juigende volgelinge God uit volle bors begin prys oor al die wonderwerke wat hulle gesien het. 38 Hulle het gesing: “Loof die Koning, Hy wat in die Naam van die Here kom! Vrede in die hemel en eer aan God in die hoogste hemel!” 39 ’n Paar Fariseërs uit die skare sê toe vir Jesus: “Meneer, maak stil u volgelinge!” 40 Maar Hy antwoord: “Ek sê vir julle: As hulle stilbly, sal die klippe uitroep.”
38 Hulle het gesing: “Loof die Koning, Hy wat in die Naam van die Here kom! Vrede in die hemel en eer aan God in die hoogste hemel!” 39 ’n Paar Fariseërs uit die skare sê toe vir Jesus: “Meneer, maak stil u volgelinge!” 40 Maar Hy antwoord: “Ek sê vir julle: As hulle stilbly, sal die klippe uitroep.”
Sjoe, hier kom Jesus op die rug van ’n donkie Jerusalem ingery en die skare noem Hom Koning! Die voorspelling word nou waar! Die Koning van die Jode kom op sy oorwinningstog!
En tog, tog sê Jesus self die volgende Donderdag dat God se koninkryk nog nie ten volle gekom het nie.... Maar daaroor gaan ons Donderdagaand saam dink – 6 uur, pieknieknagmaal hier op die gras...
Kom ons kyk eers wat hier gebeur...
Hoor wat sê die skare alles:
· Jesus kom in Jerusalem in
· Jesus word erken as KONING
· Jesus kom IN DIE NAAM van die Here – namens die Here
· Jesus bring VREDE
· Jesus sal VERKONDIG word – as die mense dit nie doen nie, sal die klippe!
Wat beteken dit vir ons? Wel, ek dink dis wonderlik dat Palmsondag hierdie jaar val net na Menseregtedag! Want net Donderdag kon ons dink aan alles wat ons REG is as mense, regte waarvoor mense moes ly en selfs doodgaan.
Vandag op Palmsondag kan ons dink aan alles wat ons REG is, regte waarvoor een moes ly en selfs doodgaan. Watter regte het ons?
Menseregte dag:
· Die reg om Jesus as Koning te hê – Hy regeer my lewe! ... Of is dit so? Bepaal Hy wat ek doen, of wil ek bepaal wat Hy moet doen? Sê Hy vir my of ek vir Hom? Weet ek wat Hy wil hê, en doen ek dit dan?
· Die reg om IN DIE NAAM van Jesus te leef – namens Hom, met sy gesag, met sy kontak (gebed), met sy doel. Lewe ek in Jesus se Naam? “Ek is nie hier namens myself nie, ek is hier namens Jesus – hier by die skool, by die werk, by die huis, by die braai, oral.”
· Die reg om sy VREDE te hê – dis anders as die wêreld se vrede, dis die vrede wat alle verstand te bowe gaan. Dis nie die vrede van ek het ’n werk en ’n huis en ’n gesin en gesondheid nie. Dis die vrede van “Ek is tot alles in staat deur Hom wat my krag gee.”
· Die reg om Hom te VERKONDIG – met my woorde wat mense kan hoor, maar ook met dit wat mense kan sien (soos die klippe!) Dis die reg om te leef en vertele, om te leef en beleef, die reg om getuie te wees van wat EK sien, EK hoor, EK weet.
“Jou dade skree so hard dat ek nie jou woorde kan hoor nie!”
Wat vertel my dade? En my woorde?
Jesus het ook in jou lewe ingekom – soos Palmsondag.
Jy is NOOIT weer alleen nie!
Hy is met jou, Hy is IN jou! Leef nou IN Hom.
En gryp jou regte aan!
Amen.
1. Die Jode van daardie tyd se lewe was nie maklik gewees nie. Hulle het swaar gekry onder die Romeinse oorheersing. Hulle het die Romeine gehaat en wou van hulle ontslae raak. Hulle hoop was op ’n profesie uit die Joodse Bybel, die Ou Testament, wat so klink:
Sagaria 9:9: Jubel, Sion! Juig, Jerusalem! Jou koning sal na jou toe kom. Hy is regverdig en hy is ’n oorwinnaar, hy is nederig en hy ry op ’n donkie, op die hingsvul van ’n donkie.
So hulle het gewag vir die koning wat hulle gaan kom bevry!
2. Die mense van daardie tyd was gewoond aan “oorwinningsoptogte”. Dit was algemene gebruik dat ’n koning of generaal wat terugkom van ’n oorwinning af, met ’n optog in die stad ingaan. Mense het dan toegestroom en hom toegejuig terwyl hy die stad inkom, gewoonlik op die rug van ’n perd. Met hierdie optogte was palmtakke prominent, omdat palmtakke in die Grieks-Romeinse wêreld die teken van triomf en oorwinning was. Dit was spesifiek die simbool van die godin Nike (ja, dis hoe mens dit uitspreek). Vir die mense van daardie tyd sou ’n optog met palmtakke hulle onmiddelik herinner aan ’n Romeinse triomf-optog, waar die oorwinnaar sy oorlogsklere uitgetrek en verruil het vir gewone klere as simbool van die vrede wat hy gebring het.
Kom ons lees wat daardie dag gebeur het.
Lukas 19:28-40:
28 Nadat Jesus hierdie dinge gesê het, het Hy voor hulle uit geloop, op pad na Jerusalem toe. 29 Toe Hy naby Betfage en Betanië kom, teen die Olyfberg, stuur Hy twee van sy dissipels vooruit met die opdrag:
30 “Gaan na die dorpie toe daar reg voor julle. Net soos julle inkom, sal julle daar ’n jong donkie kry wat vasgemaak staan. Geen mens het nog ooit op hom gery nie. Maak hom los en bring hom hier. 31 En as iemand vir julle vra: ‘Waarom maak julle hom los?’ moet julle antwoord: Die Here het hom nodig.” 32 Die twee wat gestuur is, gaan toe en kry alles net soos Hy vir hulle gesê het.
33 Terwyl hulle die donkie losmaak, vra sy eienaars vir hulle: “Waarom maak julle die donkie los?” 34 Hulle antwoord: “Die Here het hom nodig.” 35 Toe bring hulle die donkie na Jesus toe. Daarna gooi hulle van hulle klere op sy rug en help Jesus opklim. 36 Terwyl Hy aanry, het hulle van hulle klere op die pad oopgegooi.
37 Toe Hy naby die stad kom, teen die afdraand van die Olyfberg, het die hele skare juigende volgelinge God uit volle bors begin prys oor al die wonderwerke wat hulle gesien het. 38 Hulle het gesing: “Loof die Koning, Hy wat in die Naam van die Here kom! Vrede in die hemel en eer aan God in die hoogste hemel!” 39 ’n Paar Fariseërs uit die skare sê toe vir Jesus: “Meneer, maak stil u volgelinge!” 40 Maar Hy antwoord: “Ek sê vir julle: As hulle stilbly, sal die klippe uitroep.”
38 Hulle het gesing: “Loof die Koning, Hy wat in die Naam van die Here kom! Vrede in die hemel en eer aan God in die hoogste hemel!” 39 ’n Paar Fariseërs uit die skare sê toe vir Jesus: “Meneer, maak stil u volgelinge!” 40 Maar Hy antwoord: “Ek sê vir julle: As hulle stilbly, sal die klippe uitroep.”
Sjoe, hier kom Jesus op die rug van ’n donkie Jerusalem ingery en die skare noem Hom Koning! Die voorspelling word nou waar! Die Koning van die Jode kom op sy oorwinningstog!
En tog, tog sê Jesus self die volgende Donderdag dat God se koninkryk nog nie ten volle gekom het nie.... Maar daaroor gaan ons Donderdagaand saam dink – 6 uur, pieknieknagmaal hier op die gras...
Kom ons kyk eers wat hier gebeur...
Hoor wat sê die skare alles:
· Jesus kom in Jerusalem in
· Jesus word erken as KONING
· Jesus kom IN DIE NAAM van die Here – namens die Here
· Jesus bring VREDE
· Jesus sal VERKONDIG word – as die mense dit nie doen nie, sal die klippe!
Wat beteken dit vir ons? Wel, ek dink dis wonderlik dat Palmsondag hierdie jaar val net na Menseregtedag! Want net Donderdag kon ons dink aan alles wat ons REG is as mense, regte waarvoor mense moes ly en selfs doodgaan.
Vandag op Palmsondag kan ons dink aan alles wat ons REG is, regte waarvoor een moes ly en selfs doodgaan. Watter regte het ons?
Menseregte dag:
· Die reg om Jesus as Koning te hê – Hy regeer my lewe! ... Of is dit so? Bepaal Hy wat ek doen, of wil ek bepaal wat Hy moet doen? Sê Hy vir my of ek vir Hom? Weet ek wat Hy wil hê, en doen ek dit dan?
· Die reg om IN DIE NAAM van Jesus te leef – namens Hom, met sy gesag, met sy kontak (gebed), met sy doel. Lewe ek in Jesus se Naam? “Ek is nie hier namens myself nie, ek is hier namens Jesus – hier by die skool, by die werk, by die huis, by die braai, oral.”
· Die reg om sy VREDE te hê – dis anders as die wêreld se vrede, dis die vrede wat alle verstand te bowe gaan. Dis nie die vrede van ek het ’n werk en ’n huis en ’n gesin en gesondheid nie. Dis die vrede van “Ek is tot alles in staat deur Hom wat my krag gee.”
· Die reg om Hom te VERKONDIG – met my woorde wat mense kan hoor, maar ook met dit wat mense kan sien (soos die klippe!) Dis die reg om te leef en vertele, om te leef en beleef, die reg om getuie te wees van wat EK sien, EK hoor, EK weet.
“Jou dade skree so hard dat ek nie jou woorde kan hoor nie!”
Wat vertel my dade? En my woorde?
Jesus het ook in jou lewe ingekom – soos Palmsondag.
Jy is NOOIT weer alleen nie!
Hy is met jou, Hy is IN jou! Leef nou IN Hom.
En gryp jou regte aan!
Amen.
RSS Feed