Luister Preek | Laai Preek af | 
| |||
Filippense 2:5-11 Jesus het waarlik mens geword
Daar word vertel dat Boedha enkele sekondes nà sy geboorte alreeds met volle bewussyn en goddelike insig deur alles in die hemel en op die aarde kon sien. Hy het sewe tree in elke windrigtting gegee en uitgeroep:”Ek is die vernaamste in die wêreld!” (Cilliers, J. 1997. Sal die regte Jesus opstaan asseblief?)
In die evangelie van Thomas (Nuwe Testamentiese apokrief) vind jy die verhaal van Jesus se kindheidsjare;
Daar word vertel dat Boedha enkele sekondes nà sy geboorte alreeds met volle bewussyn en goddelike insig deur alles in die hemel en op die aarde kon sien. Hy het sewe tree in elke windrigtting gegee en uitgeroep:”Ek is die vernaamste in die wêreld!” (Cilliers, J. 1997. Sal die regte Jesus opstaan asseblief?)
In die evangelie van Thomas (Nuwe Testamentiese apokrief) vind jy die verhaal van Jesus se kindheidsjare;
(Verduidelik – “Nuwe Testamentiese Apokriewe geskrifte)”: Mense het besluit omdat daar niks in die Bybel oor Jesus se kinderjare geskryf staan nie, sal hulle die gapings vul.)
1. Toe die Kindjie Jesus vyf jaar oud was, was Hy (na ‘n reent) aan die speel by die drif van ‘n spruit. En die lopende water het Hy bymekaargekeer in damme en hulle onmiddellik helder laat word, op sy blote woord het Hy hulle daartoe beveel.
2. En nadat Hy sagte klei gemaak het, het Hy daaruit twaalf mossie gevorm. En dit was op die sabbat toe Hy dit gedoen het. En daar was ook baie ander kindertjies wat saam met Hom gespeel het.
3. En toe ‘n sekere Jood sien wat Jesus gemaak het terwyl Hy op die sabbatdag speel, het hy dadelik heengegaan en vir sy vader Josef gesê: “Kyk jou Kind is by die spruit en Hy het klei geneem en daarvan twaalf voëltjies gemaak en so die sabbat ontheilig”
4. En Josef gaan na die plek en sien dit en hy roep na Hom en sê: “Waarom doen Jy op die sabbat hierdie dinge wat nie geoorloof is om te doen nie?” Maar Jesus het sy hande geklap en na die mossies geroep en gesê: “Gaan!” en die mossies het opgevlieg en tjirpend weggegaan.
3
1. Maar die seun van Annas die skrifgeleerde het daar by Josef gestaan, en hy het ‘n wilgertak geneem en die waters laat wegvloei wat jesus bymekaar gemaak het.
2. En toe Jesus sien wat gebeur het, het Hy kwaad geword vir hom en gesê: “Slegte, goddelose en onnosele mens! Watter kwaad het die damme en die waters aan jou gedoen? Kyk nou sal jy ook opdroog soos ‘n boom en jy sal g’n blare dra of wortel of vrug nie!”
3. En onmiddellik het die seun heeltemal verdor, en Jesus het vertrek… ( Müller, JJ. 1976. Nuwe Testamentiese Apokriewe)
‘n Mens kan aanvoel – dit is snert, iets soos ‘n feë verhaal. Die produk van die skrywer se verbeelding, ver verwyder van die waarheid…
Lees jy die evangelie, sien jy totaal ‘n ander prentjie…
Jesus word as ‘n doodgewone kind gebore. Soos alle ander babatjies word Hy in doeke toegedraai, afhanklik van sy ma en pa se sorg.
Van Sy kinder jare word daar nie veel geskryf nie behalwe
Die Kindjie het gegroei en sterk geword, en Hy was vol wysheid, en die
genade van God was op Hom (Luk 2:40)
Jesus het soos ander kinders groot geword. Aanvanklik ‘n slap pap babatjie, Hy het sy eerste treetjies gewaag, brabbelend woorde aangeleer. Hy het sekerlik ook met stukkende hande en voete by Maria troos kom soek. Gewoon, ‘n gewone kind soos ander mensekinders.
Daar was nie ‘n stralekrans om sy kop of dat Hy soos ‘n tipiese “Powerranger” homself laat geld het nie. Hy het nie mense verdelg wat teen sy wil inbeweeg het of in sy pad gekom het nie.
In Sy tienerjare vind ons die insident waar Jesus in die tempel agter gebly het en aan sy ouers meegedeel het dat hy met die dinge van sy Vader moet besig wees.
Martin Luther het diep onder die indruk van die menslikheid van Jesus geskryf:
Hy was nie ‘n spook nie, maar het onder mense gewoon; Hy het oë, ore, ‘n mond, ‘n neus, ‘n bors, lyf, hande en voete gehad net soos ek en jy, melk by sy moeder gedrink, saam met ons geëet en gedrink, was toornig, het gebid, getreur, geween (Luther soos aangehaal deur Cilliers, J. 1997. Sal die regte Jesus opstaan asseblief? p 16)
Kom ons kyk wat die Skrif oor Jesus se mensheid leer: Baie duidelik beskryf die Hebreërbrief die menslikheid van Jesus.
15Hierdie Hoëpriester van ons kan ten volle met ons in ons swakhede saamvoel, want Hy moes presies dieselfde versoekings as ons trotseer – behalwe dat Hy nie voor die sonde geswig het nie(Hebreërs 4:15)(NLV).
7Terwyl Jesus hier op aarde was, het Hy hard uitgeroep en met trane by God gesmeek en gepleit, want God sou Hom van die dood kon red. God het Hom verhoor deur die angs vir die dood van Hom weg te neem. 8Selfs al was Hy die Seun, het Hy gehoorsaamheid geleer deur wat Hy gely het(Hebreërs 5:7-8)(NLV).
Hy was ‘n mens… doodgewoon mens 100% mens, maar tog ook buitengewoon*…
Hy was God, 100% God..!
Dis moontlik om die buitengewoonheid van Jesus mis te kyk. Die geskiedenis is vol voorbeelde daarvan
· Herodus het Hom as ‘n politieke indringer beskou en uit die weg probeer ruim
· Die Skrifgeleerdes was oortuig – Hy is ‘n Godslasteraar
· Van sy broers het gemeen: Hy is te groot vir sy skoene…
· Sommige van sy volksgenote het hom gesien as duiwelbesete of van sy sinne beroof…
· By die see van Gadara vra die mense Hom om te gaan. Hulle was bang vir hom… (Luk 8:26-39)
U sien, hulle het in die mens Jesus vasgekyk – maar sy buitengewoonheid misgekyk…
Hulle het hom gesien en tog ook nie gesien nie…
Die groot genade is:
Sommige se oë het oopgegaan. Hulle het Hom gesien vir wie Hy is…
En tog, selfs wanneer sy dissipels na sy opstanding verklaar:
Hulle het geen twyfel.
Dit is Jesus wat uit die dood opgestaan het.
Hulle het sy heerlikheid gesien…
Bly dit steeds ‘n verborgenheid.
Hy word steeds misgekyk…
Maak u oë toe en luister nou weer na ons skrifgedeelte, kry vir u die prentjie…
6Alhoewel Hy self* God was,
het Hy nie vasgeklou
aan wat Hom toekom nie,
7maar Hy het dit prysgegee:
Hy het ’n slaaf geword
en aan mense gelyk geword.
En toe Hy as mens geleef het,
8het Hy Homself
nog verder verneder
deur tot die dood toe
gehoorsaam te wees,
ja, tot die kruisdood toe! Fil 2:6-8 (NLV)
Sien u Jesus Christus…
Doodgewone mens, buitengewone mens,
‘n Mens sonder sonde, regverdig voor God,
tot in die dood…
Waarom?
Want God se liefde vir die mens is so groot
dat Hy die mens nie in sy sonde nood laat nie.
Hy het Jesus in die vermomming van ‘n dienskneg, van ‘n mens gestuur
om vir die mens se sonde te betaal.
Hy wat sondeloos was, moes vir die sondige mens inhang…
Want dit is ek en jy wat aan die kruis vir ons sondes moes sterf…
Glo jy dit?
Dit maak saak of jy glo…
Die mens se doodgewone lewe is vir God so belangrik
dat dit die terrein is waarin Hy sy mag openbaar.
Vir jou wat glo word die doodgewone lewe, ‘n buitengewone lewe.
Die alledaagse lewe word ‘n avontuur waarin jy
· God se voetspore raaksien,
· jy sien sy kunswerk in die natuur,
· hoor sy stem in die donderweer, gedruis van branders.
· Jy ervaar sy liefde in die bord kos op jou tafel.
· Jy voel sy warmte deur die Gees wat in jou woon.
· Jy sien en ervaar sy teenwoordigheid op aller vreemste plekke
· Jy ontdek sy mag en krag soms in mees onverwagste tye
Dit maak jou geloofslewe ‘n ontdekkingstog, ‘n opwindende avontuurreis in die oëskynlik mees alledaagse lewe…
Jy volg sy voetspore want jy is saam met Hom oppad.
Kom ons vier nou nagmaal en dink daaraan
dat Jesus mens geword het om
* Jou te verlos…,
* Hierdie doodgewone lewe vir jou wat glo – buitengewoon te maak
Kom ons vier dit.
Amen
1. Toe die Kindjie Jesus vyf jaar oud was, was Hy (na ‘n reent) aan die speel by die drif van ‘n spruit. En die lopende water het Hy bymekaargekeer in damme en hulle onmiddellik helder laat word, op sy blote woord het Hy hulle daartoe beveel.
2. En nadat Hy sagte klei gemaak het, het Hy daaruit twaalf mossie gevorm. En dit was op die sabbat toe Hy dit gedoen het. En daar was ook baie ander kindertjies wat saam met Hom gespeel het.
3. En toe ‘n sekere Jood sien wat Jesus gemaak het terwyl Hy op die sabbatdag speel, het hy dadelik heengegaan en vir sy vader Josef gesê: “Kyk jou Kind is by die spruit en Hy het klei geneem en daarvan twaalf voëltjies gemaak en so die sabbat ontheilig”
4. En Josef gaan na die plek en sien dit en hy roep na Hom en sê: “Waarom doen Jy op die sabbat hierdie dinge wat nie geoorloof is om te doen nie?” Maar Jesus het sy hande geklap en na die mossies geroep en gesê: “Gaan!” en die mossies het opgevlieg en tjirpend weggegaan.
3
1. Maar die seun van Annas die skrifgeleerde het daar by Josef gestaan, en hy het ‘n wilgertak geneem en die waters laat wegvloei wat jesus bymekaar gemaak het.
2. En toe Jesus sien wat gebeur het, het Hy kwaad geword vir hom en gesê: “Slegte, goddelose en onnosele mens! Watter kwaad het die damme en die waters aan jou gedoen? Kyk nou sal jy ook opdroog soos ‘n boom en jy sal g’n blare dra of wortel of vrug nie!”
3. En onmiddellik het die seun heeltemal verdor, en Jesus het vertrek… ( Müller, JJ. 1976. Nuwe Testamentiese Apokriewe)
‘n Mens kan aanvoel – dit is snert, iets soos ‘n feë verhaal. Die produk van die skrywer se verbeelding, ver verwyder van die waarheid…
Lees jy die evangelie, sien jy totaal ‘n ander prentjie…
Jesus word as ‘n doodgewone kind gebore. Soos alle ander babatjies word Hy in doeke toegedraai, afhanklik van sy ma en pa se sorg.
Van Sy kinder jare word daar nie veel geskryf nie behalwe
Die Kindjie het gegroei en sterk geword, en Hy was vol wysheid, en die
genade van God was op Hom (Luk 2:40)
Jesus het soos ander kinders groot geword. Aanvanklik ‘n slap pap babatjie, Hy het sy eerste treetjies gewaag, brabbelend woorde aangeleer. Hy het sekerlik ook met stukkende hande en voete by Maria troos kom soek. Gewoon, ‘n gewone kind soos ander mensekinders.
Daar was nie ‘n stralekrans om sy kop of dat Hy soos ‘n tipiese “Powerranger” homself laat geld het nie. Hy het nie mense verdelg wat teen sy wil inbeweeg het of in sy pad gekom het nie.
In Sy tienerjare vind ons die insident waar Jesus in die tempel agter gebly het en aan sy ouers meegedeel het dat hy met die dinge van sy Vader moet besig wees.
Martin Luther het diep onder die indruk van die menslikheid van Jesus geskryf:
Hy was nie ‘n spook nie, maar het onder mense gewoon; Hy het oë, ore, ‘n mond, ‘n neus, ‘n bors, lyf, hande en voete gehad net soos ek en jy, melk by sy moeder gedrink, saam met ons geëet en gedrink, was toornig, het gebid, getreur, geween (Luther soos aangehaal deur Cilliers, J. 1997. Sal die regte Jesus opstaan asseblief? p 16)
Kom ons kyk wat die Skrif oor Jesus se mensheid leer: Baie duidelik beskryf die Hebreërbrief die menslikheid van Jesus.
15Hierdie Hoëpriester van ons kan ten volle met ons in ons swakhede saamvoel, want Hy moes presies dieselfde versoekings as ons trotseer – behalwe dat Hy nie voor die sonde geswig het nie(Hebreërs 4:15)(NLV).
7Terwyl Jesus hier op aarde was, het Hy hard uitgeroep en met trane by God gesmeek en gepleit, want God sou Hom van die dood kon red. God het Hom verhoor deur die angs vir die dood van Hom weg te neem. 8Selfs al was Hy die Seun, het Hy gehoorsaamheid geleer deur wat Hy gely het(Hebreërs 5:7-8)(NLV).
Hy was ‘n mens… doodgewoon mens 100% mens, maar tog ook buitengewoon*…
Hy was God, 100% God..!
Dis moontlik om die buitengewoonheid van Jesus mis te kyk. Die geskiedenis is vol voorbeelde daarvan
· Herodus het Hom as ‘n politieke indringer beskou en uit die weg probeer ruim
· Die Skrifgeleerdes was oortuig – Hy is ‘n Godslasteraar
· Van sy broers het gemeen: Hy is te groot vir sy skoene…
· Sommige van sy volksgenote het hom gesien as duiwelbesete of van sy sinne beroof…
· By die see van Gadara vra die mense Hom om te gaan. Hulle was bang vir hom… (Luk 8:26-39)
U sien, hulle het in die mens Jesus vasgekyk – maar sy buitengewoonheid misgekyk…
Hulle het hom gesien en tog ook nie gesien nie…
Die groot genade is:
Sommige se oë het oopgegaan. Hulle het Hom gesien vir wie Hy is…
En tog, selfs wanneer sy dissipels na sy opstanding verklaar:
Hulle het geen twyfel.
Dit is Jesus wat uit die dood opgestaan het.
Hulle het sy heerlikheid gesien…
Bly dit steeds ‘n verborgenheid.
Hy word steeds misgekyk…
Maak u oë toe en luister nou weer na ons skrifgedeelte, kry vir u die prentjie…
6Alhoewel Hy self* God was,
het Hy nie vasgeklou
aan wat Hom toekom nie,
7maar Hy het dit prysgegee:
Hy het ’n slaaf geword
en aan mense gelyk geword.
En toe Hy as mens geleef het,
8het Hy Homself
nog verder verneder
deur tot die dood toe
gehoorsaam te wees,
ja, tot die kruisdood toe! Fil 2:6-8 (NLV)
Sien u Jesus Christus…
Doodgewone mens, buitengewone mens,
‘n Mens sonder sonde, regverdig voor God,
tot in die dood…
Waarom?
Want God se liefde vir die mens is so groot
dat Hy die mens nie in sy sonde nood laat nie.
Hy het Jesus in die vermomming van ‘n dienskneg, van ‘n mens gestuur
om vir die mens se sonde te betaal.
Hy wat sondeloos was, moes vir die sondige mens inhang…
Want dit is ek en jy wat aan die kruis vir ons sondes moes sterf…
Glo jy dit?
Dit maak saak of jy glo…
Die mens se doodgewone lewe is vir God so belangrik
dat dit die terrein is waarin Hy sy mag openbaar.
Vir jou wat glo word die doodgewone lewe, ‘n buitengewone lewe.
Die alledaagse lewe word ‘n avontuur waarin jy
· God se voetspore raaksien,
· jy sien sy kunswerk in die natuur,
· hoor sy stem in die donderweer, gedruis van branders.
· Jy ervaar sy liefde in die bord kos op jou tafel.
· Jy voel sy warmte deur die Gees wat in jou woon.
· Jy sien en ervaar sy teenwoordigheid op aller vreemste plekke
· Jy ontdek sy mag en krag soms in mees onverwagste tye
Dit maak jou geloofslewe ‘n ontdekkingstog, ‘n opwindende avontuurreis in die oëskynlik mees alledaagse lewe…
Jy volg sy voetspore want jy is saam met Hom oppad.
Kom ons vier nou nagmaal en dink daaraan
dat Jesus mens geword het om
* Jou te verlos…,
* Hierdie doodgewone lewe vir jou wat glo – buitengewoon te maak
Kom ons vier dit.
Amen
RSS Feed