Luister preek | Laai teks af![]()
| Laai audio af![]()
|

Verslawing is afgodery
Teks: Eksodus 20:3 & 1 Kor 6:12 Sondag 34 HKV
*Uitnodiging: Dalk is daar vanoggend besoekers hier, wat nie seker is van hul geloof, of wat nog nie in God glo nie. Kom luister saam. Ek veroordeel jou nie. Pas net die praktiese beginsels in jou lewe toe en dit gaan vir jou groot waarde hê. Welkom hier in die erediens*
Besprekingsvraag: Praat met mekaar oor: Gal 5:16
Einde verlede jaar het predikante van Wapadrant en NG ring van die omgewing saam ontbyt geëet. Die gaspreker by die geleentheid was Kaptein Hennie Steenkamp van die Garsfontein polisie stasie. Die vraag is aan die polisie gevra: Wat is die probleme waarmee hulle te kampe het en is daar enige iets waarmee ons as kerke hulle kan bystaan?
Kaptein Steenkamp het geantwoord dat die grootste enkele groeiende probleem in die ooste van Pretoria: die toename in dwelms.
Statistiek in Dwelmverwante misdaad:
Jaar
2004/5
2005/6
2006/7
2007/8
2008/9
2009/10
2010/11
2011/12
Gauteng
10 772
14 202
12 582
12 742
13 574
14 729
16 457
25 949
Merk op die sprong van 2010/11 na 2011/12 jaar.
Dinsdag middag vertel Kaptein Steenkamp dat hulle onlangs nie minder as 5 huise (in Ooste van Pretoria) toegemaak het. Dit is dwelmhandelaars wat huise huur in sekuriteitskomplekse en hul dwelms daarvandaan versprei. Dit gaan dan gewoonlik gepaard met prostitusie en ander misdaad.
Beeld het in 2004 (17/6 en 23/6) al berig – Dwelmkrisis op skool blootgelê
· Van 2000 leerlinge wat aan studie deelgeneem het, het 80% al met ‘n dwelm geëksprimenteer
· Van dié 80% is 30% volkome verslaaf aan ‘n dwelmmiddel (rook, drank, dwelms)
· Dagga is goedkoopste en mees algemeen beskikbaar
· Heroïn is dodelikste
· Van die 80% gebruik 95% van kinders dwelms, veral naweke op huispartydjies of in nagklubs
· 70% van die 80% drink per geleentheid
· 40% van hulle drink gereëld alkohol
· Jongste kind positief vir heroin getoets 8 jaar
· Verslawing is verskriklik, kinders verander in monsters
· Dwelms word gesny (gemeng met enige iets van suiker tot swembadsuur. Sommige van die middels is skadeliker as die dwelm self)
· Dwelmhandelaar is gewoonlik nie dwelmgebruikers nie.
Tik, Ecstasy is die dwelms wat naas dagga meeste in ons land gebruik word.
Verlede week het die SA Mediese navorsingsraad aangekondig dat die onwettige gebruik van stimulante soos Crack, Cocaine, Khat en Tik aan die toeneem is in Suid Afrika.
Khat is soos dagga, dit is ‘n deurgaan na ander dwelms.
Dit is nie al nie. Praat jy met aptekers, hoor jy van hoeveel mense wat verslaaf is aan hoes medikasie, pynstillers, regmakers, wakkerbly pille, verkoue medisyne. Hulle is verslaaf aan Kodeine of Efedrien. Hulle vermy die kleiner apteke want daar word hulle opgemerk.
Waarom gebruik mense dwelms?
· Werkomstandighede – waar mense lang ure werk en moet wakker bly word KHAT ingespan
· Groepsdruk – wil “in wees” “One night when I went out to a party with some friends, we decided to take coke and some other streetdrugs that were out on the table as well. I snorted, and I snorted till I couldn’t even think any more” (Xstreme” letter to parents 6/2/13)
· “Cope” Emosionele stress, pyn laat hul gryp na dwelmmiddels
· Verveeldheid
Wat gebeur wanneer jy dwelms gebruik?
Dit is ‘n bom – wat iewers gaan ontplof
Dit mag aanvanklik vir jou na ‘n speletjie lyk
maar jy raak verslaaf daaraan en dit neem beheer van jou.
Jou liggaamskragte word so gefokus op die vergiftiging
wat daar in jou liggaam plaasvind,
want jou liggaam probeer dit teewerk
dat daar nie tyd of krag is vir ‘n nomaal gebalanseerde lewe nie.
Uiteindelik lei dit tot die totale ondermyning
van jou verhouding met God!
Want jy ruil God in
en stel vir jou ‘n nuwe god aan….
‘n Dooie god wat genadeloos regeer
wat jou uitmergel,
jou liggaamlik en geestelik vergiftig… (dalk aanhaling van nosebleeding)
Hierdié god veroorsaak oproer in jou lewe
in so ‘n mate dat jy alle sinvolle verhoudinge en bande verbreek.
Jy ontwikkel ‘n afhanklikheid van hierdie middele,
wat jou, jouself laat verkoop,
solank jy net vir die middels in die hande kry.
‘n Pa huil verlede week oor die telefoon
“Ek het niks, niks meer gereedskap oor nie. My seun het alles verkoop, net om te kan dagga rook”
Jou liggaam se tolleransie teen die middels verhoog
en jy moet al hoe meer dwelms inkry om die gewenste effek te verkry…
Stadig… ook soms vinnig veroorsaak dit jou liggaamlike dood,
maar die ergste is – ook jou geestelike dood!
God is so uit jou lewe uit geskuif…
Jou liggaam wat tempel van die Gees is,
is so misbruik – dat daar nie meer plek vir God oor is nie.
Satan kry so die eer van jou lewe…
en wanneer alle verby is, ontdek jy: Ek het die satan gedien en vir hom gesterf!
Net jammer, dit is te laat!
En die ergste is: Jy het self die aanstelling gemaak.
Jy het self die dwelmmiddel god van jou lewe gemaak.
Wat leer die Here?
Is daar antwoorde op hierdie probleem?
Paulus skryf die antwoord aan die Galasieërs
Ons lewe deur die Gees:
Laat die Gees nou ook ons gedrag bepaal. (Gal 5:25)
Paulus is die man wat niks van die Here wou weet nie.
Hy was ‘n volbloed Skrifgeleerde, wat dit sy werk gemaak het om die Christene te vervolg. Tot op die dag wat die Here Jesus hom op pad na Damaskus voorgekeer het. Daar het Hy in ‘n persoonlike gesprek met Jesus tot bekering gekom en het sy lewe radikaal verander. Die Jesus wat hy vervolg het, het hy van toe af verkondig!
Want die Gees van God het beheer van sy lewe geneem.
Wat leer die Gees re verslawing?
Daar is mense wat sê: “Alles is my geoorloof.” Ja, maar nie alles is heilsaam nie.
“Alles is my geoorloof”, sê hulle. Maar, ek gaan my nie deur enige iets laat verslaaf nie.
(1Kor 6:12)
Eksegese
Daar is mense wat sê: “Alles is my geoorloof”
* mense wat jou wil oortuig
* dit is net ‘n speletjie, jy kan maar saamspeel
* Jy sal niks oorkom nie.
Die tweede deel van die teks bring die perspektief
Maar nie alles is heilsaam nie
Hoekom nie?
Kyk na die eindresultaat
* Dwelms bring afhanklikheid
* Dit is afbrekend vir jou liggaam
* Dit is dodelik vir jou siel…
* Jy verruil God!
Die laaste deel van ons teks leer:
Jy mag jou nie laat verslaaf nie.
Kom ons wees nou realisties…
Om jou te laat verslaaf is dieselfde as om (met alle respek gesê)
Here, baie dankie. Ek het U nie meer nodig in my lewe nie. Dit is nie nodig dat U meer vir hoef te sorg nie. Ek stel dwelms aan om beheer van my lewe te neem..
Dit terwyl Jesus Christus vir jou sonde gesterf het.
Die mag van die sonde is verbreek.
Jy hoef nie gehoor te gee aan die satan vir jou maats nie.
Die Heilige Gees gee jou die krag om te kan NEE sê..,
selfs om die vriendskap te verbreek met die persoon wat
saam met jou dwelms gebruik of jou daaraan voorstel.
Wat is ouers se plig?
Die Here verwag dat jy sal getuig…
Getuienis begin in jou huis…
Jy moet met jou mond aan jou kinders die gevare van afgodery uitwys – besonderlik dwelms
Jy moet met jou lewe getuig…
Jy moet ‘n voorbeeld wees van iemand wat vir die Here leef
Help nie jy verwag jou kind moet straatdwelms vermy
maar op die troon van jou lewe sit regmakers, pynpille, hoestroop, drank, rook nie.
Die mees ingeligtes in hierdie verband is sekerlik die kinders.
Daarom ouers kom op hoogte
– bekeer jou waar jy met afgodery besig is
- Help jou kind waar hy/sy struikel.
Wat is die regte pad? Wat moet jyself leef en verkondig?
Paulus se in Gal 5 stop die afgodery
- Laat jou lei deur die Gees (v18)
- Leef deur die Gees (v16,25)
Eksegese:
Laat jou lei deur die Gees
Die woord wat hier gebruik word dui aan:
- ‘n herder[i] wat vee lei (sien die Gees wat vir jou die pad aandui)
- ‘n wag wat ‘n prisonier begelei (die twee is aan mekaar geboei)
- die wind wat ‘n skip dryf (die wind bring die skip in beweging)
Prakties:
· Jy moet voortdurend die Woord van die Here bestudeer op soek na wil van God.
· Laat jou deur die Gees van God lei om God te volg en afgodery te vermy
· Dat jy soos ‘n gevangene, nie ander kan as om te doen wat die Gees van God jou leer…
· Die Gees moet jou dryf soos die wind ‘n skip om die wil van die Here te doen
Wie so leef is vry
Vry om te leef, vry om die lewe te geniet!
Vry want jy beweeg binne die lyne van God se wil
Hy is die enige God in jou lewe
Amen
[i] Herder is iemand wat destyds voor gestap het en die diere geroep het om hom te volg.