Luister Preek | Laai Preek af | 
| |||
| | WAT KIES JY – JC OF JD? Van wie of wat is jy ’n dissipel? Om dit te kan antwoord moet ons eers weet wat ’n dissipel is. ’n Dissipel in die Bybelse tyd was ’n persoon wat iemand anders gevolg het, maar nie net gevolg het om te kyk wat hulle maak nie – nee, ’n dissipel was ’n volgeling wat SOOS die ander persoon wou word. Jy wou nie net die T-hemp hê nie, jy wou soos hy wees! ’n Volgeling van Plato wou alles weet wat Plato gedoen het, ’n dissipel van Plato wou soos Plato word. In die Nuwe Testament lees ons van 2 tipes dissipels – dié van Johannes die Doper en dié van Jesus. Kom ons gaan kyk bietjie na hulle.... |
Matteus 11:2, 3:
En Johannes het in die gevangenis gehoor van die werke van Christus, en twee van sy dissipels gestuur 3 en vir Hom gesê: Is U die Een wat sou kom, of moet ons ’n ander een verwag?
· Johannes het sy eie dissipels – volgeling wat soos meester wil word
So, hoe was hierdie Johannes die Doper?
Matteus 3:1-6:
In daardie tyd het Johannes die Doper in die woestyn van Judea begin preek 2 en gesê: “Bekeer julle, want die koninkryk van die hemel het naby gekom.” 3 Hy is die een wat die profeet Jesaja bedoel het toe hy gesê het: “Iemand roep in die woestyn: Maak die pad vir die Here gereed, maak die paaie vir Hom reguit.”
4 Hierdie Johannes het klere van kameelhaar gedra met ’n leerband om sy heupe, en hy het van sprinkane en veldheuning gelewe. 5 In dié dae het Jerusalem en die hele Judea en die hele omgewing van die Jordaan na hom toe gestroom. 6 Hulle het hulle sondes bely en hulle deur hom in die Jordaanrivier laat doop.
· In die woestyn weg van mense af
· Trek vreemde klere aan
· Eet vreemde kos
· Mense gaan na hom toe, word gedoop en gaan dan weer terug huis toe
En hoe het hy geleef?
Lukas 7:33, 34:
Johannes die Doper het gekom en nie brood geëet of wyn gedrink nie, en julle sê: ‘Hy is van die duiwel besete.’ 34 Die Seun van die mens het gekom, geëet en gedrink, en julle sê: ‘Kyk daar, ’n vraat en ’n wynsuiper, ’n vriend van tollenaars en sondaars.’
· Eet nie brood nie, drink nie wyn nie
Johannes die Doper se dissipels wou soos hy wees:
· Iemand wat hom onttrek uit die wêreld
· Wat anders as die wêreld lyk
· Wat anders as die wêreld eet
· Wat mense wou waarsku oor hulle sondes en hulle dan terugstuur na hulle huise
Maar Jesus was totaal anders! En dis eintlik onverstaanbaar...
God word mens op so ’n manier dat Hy nie eers uitstaan van gewone mense nie! Toe Jesus gevang moes word, moes Judas Iskariot hom kom soen om te wys wie Hy is, want Hy het nie uitgestaan nie... As dit Johannes die Doper was, kon Judas net sê: “Die ou met die kameelklere... Die ou wat sprinkane eet... Die wilde man in die woestyn...” Maar Jesus het soveel soos die ander mense gelyk, dat Judas fisies aan Hom moes raak om te sê: “HIERDIE een!”
Nie net lyk Jesus soos die mense van sy tyd nie, maar Hy is op dieselfde plekke as hulle – by die tempel, by die tolhek, by die bad van Betesda, langs die see, op die pad buite Jerigo – Hy is IN die gewone lewe.
En Hy doen die gewone dinge: sy eerste wonder is by ’n troue waar Hy 480 liter wyn maak nadat die mense al al die wyn wat die gasheer kon gee opgedrink het! Hy eet gewone kos. Johannes die Doper se dissipels vas, Jesus se dissipels vas nie: Matteus 9:14:
In dié tyd het die volgelinge van Johannes na Jesus toe gekom en gevra: “Waarom vas ons en die Fariseërs dikwels, maar u dissipels vas glad nie?”
En Jesus se dissipels? Hy gaan haal hulle in die gewone lewe: handarbeiders, besigheidsmense, staatsamptenare, vryheidsvegters. En sy fokus met sy dissipels? Bely jou sondes en gaan dan weer huis toe, soos Johannes die Doper? Nee! “Volg my, Ek sal jou ’n visser van mense maak!”
Interessant dat Jesus nie sy dissipels by Johannes die Doper gaan kry het nie... Dat Johannes die Doper se dissipels nie die bron is van Jesus Christus se dissipels nie...
Want Jesus se dissipels lyk anders omdat Jesus anders lyk:
· Iemand wat hom nie onttrek uit die wêreld nie, maar juis IN die wêreld leef
· Wat soos die wêreld lyk
· Wat soos die wêreld eet
· Wat mense in verhouding bring met Jesus Christus om self dissipels te wees
Waarvan is ek ’n dissipel? Soos wie wil ek wees?
Is ek 'n dissipel van DSTv? Lyk dieselfde, leef dieselfde
Is ek 'n dissipel van WEIRD? Lyk anders, leef dieselfde
Is ek 'n dissipel van JD? Lyk anders, leef anders
Is ek 'n dissipel van JC? Lyk dieselfde, leef anders
Want dit is waarvoor God my roep!
Ek kom nie na Jesus toe sodat my sondes vergewe kan word nie, maar omdat dit vergewe is.
Ek kom nie na Jesus toe om weer sonder Hom huis toe te gaan nie.
Ek kom nie na Jesus toe sodat ek uit die wêreld kan wegvlug en onttrek nie.
Ek hou nie eredienste wat vreemd is vir die wêreld nie.
Ek dra nie klere en juwele en goed wat vreemd is nie.
Ek eet en drink nie vreemde goed nie.
Ek het nie vreemde rituele en gewoontes wat die wêreld nie kan verstaan nie.
Want ek is ’n dissipel van Jesus Christus, wat soos Hy wil wees!
Wat IN hierdie wêreld wil wees en vir die wêreld wil lief wees.
Wat oorkom en nie oordeel nie.
Wat reg wys en nie net reg praat nie.
Ek is ’n dissipel van Jesus – dis my werk. My beroep is my geleentheid en daarom doen ek dit na die beste van my vermoë.
Ek is ’n dissipel van Jesus – daarom is my lewe ’n fees!
Ek is ’n dissipel van Jesus – volg my soos ek Hom volg!
Amen!
En Johannes het in die gevangenis gehoor van die werke van Christus, en twee van sy dissipels gestuur 3 en vir Hom gesê: Is U die Een wat sou kom, of moet ons ’n ander een verwag?
· Johannes het sy eie dissipels – volgeling wat soos meester wil word
So, hoe was hierdie Johannes die Doper?
Matteus 3:1-6:
In daardie tyd het Johannes die Doper in die woestyn van Judea begin preek 2 en gesê: “Bekeer julle, want die koninkryk van die hemel het naby gekom.” 3 Hy is die een wat die profeet Jesaja bedoel het toe hy gesê het: “Iemand roep in die woestyn: Maak die pad vir die Here gereed, maak die paaie vir Hom reguit.”
4 Hierdie Johannes het klere van kameelhaar gedra met ’n leerband om sy heupe, en hy het van sprinkane en veldheuning gelewe. 5 In dié dae het Jerusalem en die hele Judea en die hele omgewing van die Jordaan na hom toe gestroom. 6 Hulle het hulle sondes bely en hulle deur hom in die Jordaanrivier laat doop.
· In die woestyn weg van mense af
· Trek vreemde klere aan
· Eet vreemde kos
· Mense gaan na hom toe, word gedoop en gaan dan weer terug huis toe
En hoe het hy geleef?
Lukas 7:33, 34:
Johannes die Doper het gekom en nie brood geëet of wyn gedrink nie, en julle sê: ‘Hy is van die duiwel besete.’ 34 Die Seun van die mens het gekom, geëet en gedrink, en julle sê: ‘Kyk daar, ’n vraat en ’n wynsuiper, ’n vriend van tollenaars en sondaars.’
· Eet nie brood nie, drink nie wyn nie
Johannes die Doper se dissipels wou soos hy wees:
· Iemand wat hom onttrek uit die wêreld
· Wat anders as die wêreld lyk
· Wat anders as die wêreld eet
· Wat mense wou waarsku oor hulle sondes en hulle dan terugstuur na hulle huise
Maar Jesus was totaal anders! En dis eintlik onverstaanbaar...
God word mens op so ’n manier dat Hy nie eers uitstaan van gewone mense nie! Toe Jesus gevang moes word, moes Judas Iskariot hom kom soen om te wys wie Hy is, want Hy het nie uitgestaan nie... As dit Johannes die Doper was, kon Judas net sê: “Die ou met die kameelklere... Die ou wat sprinkane eet... Die wilde man in die woestyn...” Maar Jesus het soveel soos die ander mense gelyk, dat Judas fisies aan Hom moes raak om te sê: “HIERDIE een!”
Nie net lyk Jesus soos die mense van sy tyd nie, maar Hy is op dieselfde plekke as hulle – by die tempel, by die tolhek, by die bad van Betesda, langs die see, op die pad buite Jerigo – Hy is IN die gewone lewe.
En Hy doen die gewone dinge: sy eerste wonder is by ’n troue waar Hy 480 liter wyn maak nadat die mense al al die wyn wat die gasheer kon gee opgedrink het! Hy eet gewone kos. Johannes die Doper se dissipels vas, Jesus se dissipels vas nie: Matteus 9:14:
In dié tyd het die volgelinge van Johannes na Jesus toe gekom en gevra: “Waarom vas ons en die Fariseërs dikwels, maar u dissipels vas glad nie?”
En Jesus se dissipels? Hy gaan haal hulle in die gewone lewe: handarbeiders, besigheidsmense, staatsamptenare, vryheidsvegters. En sy fokus met sy dissipels? Bely jou sondes en gaan dan weer huis toe, soos Johannes die Doper? Nee! “Volg my, Ek sal jou ’n visser van mense maak!”
Interessant dat Jesus nie sy dissipels by Johannes die Doper gaan kry het nie... Dat Johannes die Doper se dissipels nie die bron is van Jesus Christus se dissipels nie...
Want Jesus se dissipels lyk anders omdat Jesus anders lyk:
· Iemand wat hom nie onttrek uit die wêreld nie, maar juis IN die wêreld leef
· Wat soos die wêreld lyk
· Wat soos die wêreld eet
· Wat mense in verhouding bring met Jesus Christus om self dissipels te wees
Waarvan is ek ’n dissipel? Soos wie wil ek wees?
Is ek 'n dissipel van DSTv? Lyk dieselfde, leef dieselfde
Is ek 'n dissipel van WEIRD? Lyk anders, leef dieselfde
Is ek 'n dissipel van JD? Lyk anders, leef anders
Is ek 'n dissipel van JC? Lyk dieselfde, leef anders
Want dit is waarvoor God my roep!
Ek kom nie na Jesus toe sodat my sondes vergewe kan word nie, maar omdat dit vergewe is.
Ek kom nie na Jesus toe om weer sonder Hom huis toe te gaan nie.
Ek kom nie na Jesus toe sodat ek uit die wêreld kan wegvlug en onttrek nie.
Ek hou nie eredienste wat vreemd is vir die wêreld nie.
Ek dra nie klere en juwele en goed wat vreemd is nie.
Ek eet en drink nie vreemde goed nie.
Ek het nie vreemde rituele en gewoontes wat die wêreld nie kan verstaan nie.
Want ek is ’n dissipel van Jesus Christus, wat soos Hy wil wees!
Wat IN hierdie wêreld wil wees en vir die wêreld wil lief wees.
Wat oorkom en nie oordeel nie.
Wat reg wys en nie net reg praat nie.
Ek is ’n dissipel van Jesus – dis my werk. My beroep is my geleentheid en daarom doen ek dit na die beste van my vermoë.
Ek is ’n dissipel van Jesus – daarom is my lewe ’n fees!
Ek is ’n dissipel van Jesus – volg my soos ek Hom volg!
Amen!
RSS Feed