Om al die Jeug tot Geestelike Volwassenheid te lei!! Om dit te kan bereik fokus ons veral op ons jeuggroepe (of soos baie dit dalk nog ken as katkisasie).
Om 'n kind te probeer lei na geestelike volwassenheid het ons in die Bybel gaan kyk wat die Here ons uitwys as die elemente van 'n iemand wat streef na geestelike volwassendheid. Dit wil ons al by die jeuggroepe uitleef, deur te leer, te lei en dit prakties te ervaar, sodat almal dit later vanself sal wil doen. Dit beteken dat daar ook vir elke jeuggroep van tyd tot tyd, ook buite Sondag byeenkomste, geleenthede gereël sal word om by van die doelwitte uit te kom. Hiervoor het ons die ouers se ondersteuning baie nodig. Hoe lyk dit in praktyk? Uiteindelik wil ons in ons Jeugbediening fokus op die vier elemente van geestelike volwasse gelowiges : 1. TOERUS Iemand wat gereeld nog geleenthede opsoek of self reël om verder GEESTELIK TO GROEI. (Eredienste, Bybelstudie in groepe of persoonlik, ander leesstof bestudeer, kursusse bywoon, ens.) 2. OMGEE Iemand wat weet dat ONDERLINGE VERBONDHEID belangrik is in die gemeente en leef dit ook uit. (Gee dus om vir hulle mede lidmate deur hul dade). 3. DIENS Iemand wat hulle GAWES ken en dit ook aanwend binne en buite die gemeente. (Betrokke in die gemeente en wil graag êrens van hulp wees). 4. SANG & GEBED Iemand met 'n persoonlike VERHOUDING MET GOD. (Deur gereëlde metodes van kommunikasie soos sang en gebed ens. te beoefen).
