Projekte

 Ons Pa roep ons om Sy hande en voete te wees en liefde te leef. Jy is welkom om 'n nuwe projek van stapel te stuur, maar daar is ook ander inisiatiewe wat jy kan ondersteun.

Huis Ebenhaeser

Geroepe deur die werwaarlosing, verwerping en desperaatheid van kinders en mishandelde vroue in hul gemeenskap, het Johnny en Soekie Thomas Huis Ebenhaeser in Daspoort gestig.  Die egpaar het hul huis omskep in 'n skuiling veilige hawe. Dit is 'n geloofsgebasseerde nie-winsgewende organisasie wat 'n stabielie tuiste bied aan hierdie kinders en ma's. Die tehuis bied mediese versoring, voedsame maaltye, klere, opvoeding sowel as berading, aandag en 'n positiewe leefstyl. Meer nog - hulle bied hoop.

Kleingroep G022 is betrokke by Huis Ebenhaeser in Daspoort. Enige kleingroep/lidmate wat betrokke wil raak, kontak Wapadrant Kerkkantoor by 012 991 1395.

Opheffing van Jan-alleman

Stadbouers, in samewerking met Gereformeerde kerk Silverton bied elke tweede Dinsdag klasse aan vir persone wat tans werkloos is, met die doel om hulle ‘n vaardigheid aan te leer sodat hulle moontlik werk kan vind of ‘n eie besigheid op die been kan bring. Dit sluit in:  Beginners naaldwerk groep, Gevorderde naaldwerk, Kooklesse, Hekel en breilesse.
 
Die hoofdoel is om mense nader te trek om die Woord van God, en die liefde van Jesus aan hulle te bring! Dit is ‘n wonderlike projek waar ons alreeds vele mense tot bekering sien kom het. Prys die Here!
 
Enige donasies of inligting, kontak Marinda van Lochem -  082 292 6176 of [email protected]
 

Rainbow kids

Kleingroep G015 ondersteun Wendy Stroebel van Danville wat daagliks aan ongeveer 200+ mense kos voorsien.  Die kleingroep verskaf op ‘n weeklikse basis bestanddele vir Dinsdae se ete en aan die einde van die jaar voorsien ons  kospakkies aan die gesinne vir ‘n volledige Kersmaal. Elke jaar Desember reël Alet ook ‘n Kersfunksie en deur middel van skenkings kan sy ook aan elke gesin ‘n kospakkie uitdeel met genoeg voedsel vir ongeveer ‘n maand.
 
Ons kan nie genoeg dankie sê aan ons Hemelse Vader vir Sy groot genade nie en ook aan al die lidmate van Wapadrant wat elke jaar so getrou ons projek ondersteun.
 
Indien jy graag op een of ander wyse betrokke wil raak by ons projek is jy welkom om Winnie Stoppel by 082 4684 076 te skakel.

Hospitaalbediening:  Chrisanté

Familie is daar vir mekaar - veral in tye van siekte. Die Chrisanté is 'n groep passievolle vrywilligers wat siek familielede bemoedig deur besoeke en oproepe. Ons wil daarom graag weet indien jy gehospitaliseer gaan word.

2 KORINTIËRS 1:4
"In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer. Ons kan hulle bemoedig met dieselfde bemoediging waarmee God ons bemoedig"

Jy kan hier van groot hulp wees. Kontak Véra Tollig by 082 6446 741 om deel te word van hierdie span.