Ontdek jou plek

Herontdek opnuut jou doel en waarde in ons familie. Wat maak jou uniek? Wat is jou spesifieke gawes en talente? Leer hoe jy God se stem die beste kan hoor. Wanneer jy jou plek in die familie ontdek het, weet jy waar om jou gawes en talente aan te wend.

Toerusting

Dagboek solank die volgende datums:

Kommunikasie in verhoudings/huwelike
11 September 2021

Hantering van kroniese trauma
30 Oktober 2021

'n Kleingroep - jou geestelike gesin

Welkom by jou  Wapadrantfamilie!

Elkeen van ons moet EEN wees met ander in die gemeente; ek moet hulle lief hê en my gawes gebruik om hulle te bevoordeel. Hoe doen ek dit? Die logieste plek is in KLEINGROEPE! Daarom is ons ’n gemeente van kleingroepe – dit is hoe ons werk want eenheid, liefde en dien is wat God van ons verwag.

Is jy nog nie in ’n kleingroep nie? Kontak asb die kleingroepkantoor sodat jy ook jou plekkie in ’n familie kan vind.
Is jy reeds in ’n kleingroep? Wonderlik! Hoe gaan dit met julle familie? Groei julle? Geniet julle dit? Laat weet ons asseblief! Ons wil graag van julle hoor en graag by julle kom kuier. Kontak die kleingroepkantoor of die predikante om dit te reël.

Ons het ook verskeie kleingroepboekies en video’s en ander materiaal wat julle kan gebruik. Kom loer in of kontak ons by kleingroepe@gkwapadrant.co.za.

Geestelike paaie

Picture
Een van die belangrike waardes van ons familie is dat ons VERSKEIDENHEID VIER. Ons is bly dat die Here ons verskillend gemaak het en wil vir mekaar ruimte gee om op ons verskillende maniere God te beleef en uit te leef. Een plek waar ons van mekaar verskil, is in hoe ons die beste en mees natuurlike met ons Pa kommunikeer.

Wil jy weet hoe jy ons Pa se stem hoor? Laai gerus die vraelys af en voltooi dit. Beter nog - voltooi en bespreek dit saam met ander familielede. So help ons om mekaar te leer ken en beter te verstaan.